Kewpie-7-11延續篇

又新添另外兩隻成員, 多得姐姐跟妹妹, 第二期的Kewpie只欠一隻呢. 可惜的是, 第一期的Kewpie 我一隻也沒有呢.

這一個就是姐姐換購回來的Kewpie袋了, 上面有齊第一期跟第二期的Kewpie, 只是欠了那隻特別版Kewpie 呢.

Kewpie-7-11

7-11之前開始換購既Kewpie系列, 我暫時已經得到咗兩個, 真係多得我既家姐細妹.  基本上我無乜機會會去7-11買野, 因為我附近全部都係OK便利店, 所以我對得到呢套Kewpie既期望幾乎係零.  家姐之前仲換埋個袋俾我添, 真係好, 多謝家姐!

好幸運, 居然抽到特別版, 真真高興.

Kewpie - 北海道之旅的戰利品

日本有好多Kewpie既產品, 仲要係每個地方都有佢獨有既產品, 所以呢, 今次去北海道, 我都搵一D我覺得可愛而又未有既款色(實在有太多太多Kewpie既產品, 根本無可能全部買哂).

我已經盡量忍手, 但最後都買左14個Kewpie.

上面呢三個, 本來只想買一個, 但最後都忍唔到手, 因為佢地實在太可愛. 其實有個再大Size的, 但價錢係買一隻大等如買三隻細, 所以我都係選擇買三隻好過. 

左一係美瑛買既海膽, 勁可愛.  左二係登別地獄谷的赤鬼. 左三係旭山動物園買既企鵝, 最後個隻係層雲峽既便利店度睇到, 所以呢, 真係周圍都會有Kewpie既踪影架, 稍一不留神就會miss左.

係札幌既ESTA十數個拉麵共和國度有間精品店有好多Kewpie, 而我當然又忍唔到手, 買左大頭海藻Kewpie, 花花頭Kewpie, 海膽Kewpie.

呢三個索繩袋超可愛, 入面仲有包糖架.

呢個係扭蛋扭返嚟既Kewpie印, 係舖頭門口度搵到.

台北之旅第一天

年幾前, 我仲可以去旅行, 依家諗下就得!

上年台北三日兩夜之旅

第一日(2009年5月23日)

我地搭早機(9:10am), 因為落雨遲左起飛, 最後都要十一點幾先飛到台北. 一落機, 行完條打橫電梯, 見到一條龍, 係排隊既人龍, 原來係"唱"錢.  其實聽人講再行出D都仲有兩間找換店, 所以無加入人龍. 行到第二間, 見無人排隊就換錢(HK$1 對 NT$4.076), 滙率麻麻地, 不過第三間找換店都係一樣.

"唱"完錢就去攪落地簽證, 填完張表格, 加埋NT$200, 連埋身份證俾櫃位, 好快就攪掂, 跟住過海關, 然後就攞行李出閘. 出閘後去旅遊局攞埋地圖就出去搭的士. 

唔使一個鐘, 大約40分鐘, 就到咗落腳既台北車站對面既凱撒大飯店. 住頂樓, 風景好. 最差係個電視係側面, 唔係對正張床, 打側坐係床睇電視勁辛苦.

十二點幾, 出去食lunch, 行咗過對面座統一元氣館, 揀左間類似香港世貿間"吉列專門店"既舖頭, 望落個menu都幾吸引, 叫左個咖喱豬扒飯套餐同咖喱海鮮飯套餐. 先嚟個前菜, 唔知乜野嚟, 一咬落去, 都係唔知乜野嚟, 類似炸粉糰既物體, 唔難食亦唔特別好食, 咬左兩啖, 放埋一邊, 留肚食豬扒好過.  等左十幾分鐘, 嘩, 真係好精彩, 兩盤食物大大盤, 樣子很吸引, 互相交換過後, 先食豬扒, , 味道不太好, 隱約有少許臭豬味, 炸槳雖然做得很好, 但給臭豬拖垮了. 勉強吃了兩嚿, 便放棄了.  幸好那海鮮還不錯, 有炸魚和炸蝦, 總算有餐飯食.  套餐有甜品和飲品. 最後還是吃不下整個餐, 實在太多飯了.

離開餐廳, 到商場走走, 舖頭不太多, 很凋零的感覺, 正如書本介紹的, 有高達, 有無印, 對我來說沒甚吸引, 草草行了再到地下, 因為老公想看電腦.  到了地下, 才比較像樣, 起碼沒有凋零的感覺, 但有電腦商場的感覺.

離開統一元氣館, 看見Starbucks 大排長龍, 原來飲品有買一送一的優惠, 怪不得啦. 我倆沒有加入, 走到隔鄰的新光三越地庫的超市搜羅小食, 卻沒甚收穫, 只買了一包辣的童星點心麵和一支紅茶. 由於腳痛的關係, 便打算回酒店休息. 沿途回酒店, 有人正派發粟米片的試食庄, 她給了我們兩包.  經過台北故事館門口, 影了相便回酒店了.

休息了整個下午, 雙腳腳趾不停抽筋, 我則在不停慘叫, 老公已不停幫我按摩, 但也不甚奏效, 最後出動了 "紫花油", 終於收服了雙腳, 好彩好彩!

到左夜晚, 又要出外搵食, 落左去地下商店街, 真係四通八達, 少D記性都會行錯路. 不過老實講, 真係無乜野行, 求其行左一陣, 就入左間二董牛肉麵. 叫左一碗紅燒牛肉麵同一碗紅燒牛腩麵, 味道還不錯, 只是牛肉切得太大嚿, 比較難嚼, 牛腩切得較薄, 所以覺得比較好味. 飲品免費, 有茶及水, 自斟自飲.

之後行返上地面, 行埋光南大批發, 確實係一個買文具既好地方, 掃完一輪貨, 再去埋便利店逛下有乜野小食, 最後買左兩條朱古力試下, 一條係有爆炸糖既朱古力, 另一條係有朱古力醬係中間既朱古力條. 跟住就行返酒店休息了. 這樣就完成了一天的旅程.

我返嚟啦

今次北海道之旅, 真係令我樂而忘返. 8日時間, 唔長唔短, 但第一次有個種唔想返香港既感覺. 本來想去睇紅葉, 但可惜唔係有太多, 可能仲未到深秋卦, 所以只係睇到小小. 不過唔緊要啦, 有好野食都已經好開心了.  等我有心機既時候最將成個旅程打返出嚟先.

今次既行程就係咁:

第一天: 札幌

第二天: 札幌

第三天: 小樽

第四天: 旭川

第五天: 層雲峽

第六天: 美瑛

第七天: 富良野, 夕張, 登別

第八天: 南千歲

行程本來以為安排得頗輕鬆, 點知都仲係太緊湊, 有d地方去唔哂, 唔係太夠時間.  不過唔緊要, 因為可以有籍口諗定下一次北海道既旅程, 相信應該會更加精彩. 而事實上, 仲有好多地方都仲未去玩, 例如函館, 洞爺, 釧路, 網走.........

實在太多, 數唔哂呀. 總之就好好玩, 好好食啦.

 

驚喜

話說自2003年開始骨枯以來, 做了減壓手術, 再加兩年的物理治療, 然後到了需要用拐杖的日子, 盆骨以至大小腿的位置, 經常性地痛楚, 有時痛得只能睡在床上, 令日常生活受到頗大影響. 

2007年年尾開始, 採用了針灸的方法, 希望能對身體有所幫助. 到現在已針灸了一年零九個月了, 一個星期兩次的針灸, 盆骨的痛楚已減少了許多, 但大小腿兩邊的痛楚則對我依依不捨似的, 始終跟我如影隨形.  

最近這兩年以來, 骨科醫生慣常地問我要否做人工關節置換手術. 但經過最近的檢查, 他卻發現我現在的痛並不是骨枯所引致的, 反而似是腰骨所帶來的影響, 於是將我轉介到物理治療部.

在等待排期的兩個月裏, 盆骨的痛楚又再度出現, 令我本來摒棄了的想法又再度回來, 心底裏正擔心是否骨枯又再惡化. 終於, 見過物理治療師後, 她發現我的腰骨第四五節腰椎有問題, 因而令到兩邊的神經線給壓住, 以致盆骨到小腿也感到痛楚. 由於骨枯, 兩年前我開始兩腳長短不一, 雖然已加了鞋墊, 但依然有點點步姿不當, 令腰骨終於也出了問題. 那麼唯有開始做物理治療了.

幸運地在這段期間, 給我遇到了貴人.  跟他說明了情況後, 他解釋道四五節腰椎有問題是會影響頸部的, 於是, 他叫我放鬆頸部, 然後"劈啪"兩聲, 再放鬆腰部又是"劈啪"兩聲, 給他扭頸及扭腰後, 我的頸痛不見了, 盆骨也不痛了.

到現在已經有個多星期了, 頸又開始有些痛, 但盆骨的痛則消失了.  貴人叫我再給他扭, 只是還未約到時間罷了.  希望給他治療後, 我的痛會消失吧, 到時說不定連拐杖也能放低呢!

很累

自從開始了水療的日子後, 人也開始懶惰了. 

因為水療完以後, 回家要洗澡, 然後要洗衫, 再煮午餐, 忙個不停似的, 令人很累.  所以吃完午餐以後, 總會想躺着什麼也不做, 因為下半身做完水療以後已經又攰又痛了. 

就因為這樣, 連上網的時間也小了.

希望勤力將雙腳練好, 讓我行得好一點, 好讓我能在月尾北海道之旅玩個痛快!

惡夢開始了

07年9月尾突然腳腫起來, 記得06年3月也曾經試過, 可以墊高雙腳睡覺便能復完, 但隔了數天, 腳又再度腫脹起來, 我知道今次事態嚴重, 不得不入院了. 於是在10月2日, 自己一個人執拾好行李到急症室去, 到了分流站, 護士己立刻安排我去見醫生, 不用等上三個多小時, 真好彩! 當然, 醫生也要我立即入院了.

最後我被安排入住腎科病房, 進行一輪入院必做的答問環節後, 很快便有醫生來作基本檢查, 叫人抽了血, 便一直等待血報告的結果.  第二天早上, 主診醫生到來翻開血報告, 原來我的血蛋白只得21(正常是36), 血蛋白頗低, 所以才會這麼腫(由於血蛋白其中一個功能是將血裏的水份吸着, 由於血蛋白不夠, 血裏的水份便都走到皮膚下了, 因此才腫脹起來.) 再過了一會, 上次的高級醫生也來到, 看看我雙腫腳, 用手指篤了幾下, 便叫我要做抽腎組織檢查了.  老實說, 我心裏也一早預料到有這一步了, 所以並未太驚訝, 只是心裏還是很害怕罷!

名模 Amanda S.

十年唔逢一閏, 今日同老公去四季酒店食晏, 正享受着美景與佳餚之際, 老公突然跟我說在開放式廚房有位靚女廚師, 愛 "昅"女的我, 當然不會放過任何機會.  轉頭一望, 果然係靚女, 但極為面熟, 酷似名模 Amanda S. , 於是立刻影了數張相以作印證. 

 

回家後上網查看, 才發現原來她正在此酒店做實習生.

詳情請看:

http://www.eastweek.com.hk/index.php?link=content_detail&article_id=2888

美景佳餚加美女, 真是滿足的一餐.  心情好一點, 健康也好一點.

放鬆一下

昨日黃昏坐係梳化度上網, 望出窗外, 發現個夕陽好靚, 即刻走去攞部相機影低佢, 因為唔係成日都咁靚架!  間中望下, 個人都會relax D.

 

痛苦的前夕(3)

減血壓藥以後, 頭暈的情況確實好了一點, 但也間中發生. 可是, 減藥的後果來了, 蛋白尿又再度上升, 令覆診的日期也變得頻密了, 由之前兩個月變成一個月了. MMF 的份量也加大了一倍, 可是, 蛋白尿繼續上升, 我將逃不了要再多做一次抽腎組織的檢查呢, 真是叫人擔心.

十二個星期的藥量

最近幾次回醫院覆診, 取藥的時候總要另外帶一個大購物袋, 才能將以下的藥物全帶走, 因為實在是太多藥了.  以往由於覆診的時間通常比較密(2-4weeks), 所以取的藥都不會太多, 用背囊已經足夠了. 

可是最近幾次因為病情比較穩定了

, 覆診的時間亦變得比較長(8-12 weeks), 藥的份量就多了很多. 每次到櫃台取藥後, 拿着一大袋藥, 總會感覺到很多人奇異的目光, 可能他們都奇怪為何一個後生女要吃那麼多的藥吧!

着實自己每次取藥後回到家, 看着這一大堆藥, 也很難相信自己會把它們全吃到肚子裏, 可是12個星期後, 它們將會全部消失掉呢. 唉......

痛苦的前夕(2)

自那天開始, 頭暈, 作嘔, 心跳, 頭痛這些問題纏繞了我大半年. 一走到街上, 只要感覺有點兒熱, 就立即頭暈加劇, 不得不立刻躺着, 所以07年這個夏天, 我總是留在家裏不能單獨出門. 期間去了看中醫, 喝過幾劑藥也沒甚幫助, 醫師還開了幾劑冬蟲草湯包叫我煲來當食療呢.

到了6月頭, 回醫院覆診, 今次難得地有老公陪同(通常都是自己去覆診的), 因為實在很暈.  去做基本檢查時, 一量血壓, 嚇得那工作人員呆了, 原來血壓只得60/30, 低得誇張呢, 她立刻叫姑娘通知醫生, 哈, 即時要去見醫生, 不用等上個幾兩個小時, 真好! 

那高級醫生一見我便帶笑着說, "血壓咁低仲頂得住, 你真好野." 看一看我的驗血報告, 將我所有的血壓藥都減了一半的份量, 並叫我要做運動, 增肥甚麼的......, 然後就去取藥離開了. 原來是血壓低, 所以頭暈. 我也以為是這樣簡單, 其實並不然. 第二天, 立即去買了一個血壓計, 每天量血壓, 直到今天還在做着呢!

痛苦的前夕(1)

還記得07年4月份的某一個周末, 到勝利道為小狗買日用品, 再乘巴士回家. 天氣炎熱, 我坐在巴士的最後一排, 誰知巴士尾異常局促, 還不時噴出一陣陣的熱氣, 令我有點點喘不過氣來.

終於到站了, 一下車, 已覺得有點頭暈, 死撐着回到屋苑的大堂等lift, 突然又開始肚痛, 還要是劇痛, lift 到了, 進了lift, 繼續死撐着, 還未到達, 我原來已經休克暈過去了, 全身無力地給老公扶着.

Lift門一開, 老公不停呼喚着我, 我才慢慢清醒過來, 勉強可以行回家. 一進屋內, 立即躺到床上, 肚痛不見了, 只覺得很弱, 頭依然暈, 唯有躺着休息.

繼續使用MMF

抽骨髓的結果, 將直接影響醫生對我用藥的決定. 倘若白血球指數偏低, 就證明之前環磷酰胺造成了副作用, 抑制了我製造白血球的能力, 不可繼續環磷酰胺未完成的療程. 相反, 如果白血球指數正常, 就必須繼續未完成的療程. 結果一出來, 答案是 "NORMAL LOW".

終於, 我無須繼續未完的療程. 可是, 還有什麼藥可以吃呢? 跟醫生討論了一番, 最後決定繼續使用MMF, 以及再增加一種降血壓藥, 用以減少蛋白尿.

06年的下半年, 蛋白尿還是升升降降, 反覆不定.  直至07年年頭, 有一位醫生幫我停了其中一種降血壓藥, 又加大了另一種降血壓藥的份量, 蛋白尿開始下降至1以下了, 最低曾經降至0.21, 對我來說簡直是莫大的喜悅, 真的以為可以脫離腎炎呢. 可惜, 就在4月的時候, 發生了一件事, 之後, 痛苦的日子就來臨了......

公共交通工具

其實這一篇網誌應該一早要打的, 事源因為我的骨枯, 在腳頗痛的時候, 撐着拐杖最多也只能走十多分鐘, 連行平路也有困難, 更枉論要上落樓梯或上落斜路了. 因此, 我大多數的時候都是以的士代步, 亦因此去的地方也不會太多(的士費實在貴耶!現在還短加長減呢!)

要不是那大大級的梯級, 我便可以繼續乘搭公共巴士或公共小巴了. 其實除了我這等傷殘人仕以外, 對於長者或小童而言, 那一級着實是非常高的, 我心裏常有着這個疑問, "為什麼不能將樓梯弄得矮一點, 又或是多弄幾級矮一點的呢? " 上那麼高的梯級可是會傷膝蓋的啊!

還有一件事, 就是的士司機的態度. 在這段乘的士作交通工具的日子裏, 乘坐過的的士不計其數.  基本上可以將的士司機分為四類. 

第一類--啞口無言型: 全程不作任何聲音, 由上車到落車, 完全一言不發. 

第二類--敬業樂業型: 雖然不多說話, 但落車的時候總會說一聲 "多謝" , 無論長途或短途. 

第三類--有講有笑型: 由上車便跟乘客傾到落車.

第四類--態度惡劣型: 駕駛技術奇差, 態度奇差的.

暫時記得的就是這四類, 而大多數都是第一類. 真不明白, 為何不能多說幾句話呢? 整天不說話是會口臭的! 哈哈!

抽骨髓

由於蛋白尿再次上升, 終於, 在06年6月21日, 入醫院抽骨髓了.  還記得那天, 一個年青的男醫生走到床邊跟我說, 要抽骨髓了, 心裏有點兒害怕, 但還是要抽的. 

打側身, 仔細的過程已忘得一乾二淨, 只記得那種痛楚, 本來還忍得住的, 但醫生抽的時間實在頗長, 我忍着痛問醫生抽完未, 他跟我說, "就得, 仲差少少, 我仲要抽D骨仔出嚟先得" 隔了一會兒, 痛得我大叫了出來, 眼淚當然也如雨下了, 醫生還是說同一番說話, "最痛係呢下, 就得啦", 挨了最後這一下, 都已剩番半條人命了, 真是怕怕呢!

療程給終止了

一個月就這樣過去了, 類固醇的份量也逐漸減至低水平, 但由於仍然吃着環磷酰胺, 頭髮開始掉了.

繼續過著數天便往醫院抽一次血的生活, 過了個半月, 突然收到從醫院打來的電話.  姑娘跟我說,  "你D白血球跌到好低, 醫生叫你停左隻抗癌藥". 就這樣, 在06年4月19日, 我停止了抗癌藥的療程.

 一星期後, 回醫院覆診, 醫生跟我解釋道, 如果我的白血球回升的話, 將要繼續未完成的療程, 倘若白血球不回升的話, 則需要抽骨髓以決定如何用藥.

難捱的日子

2006年3月

在吃環磷酰胺的同時, 類固醇的份量也同時被加大. 

一星期過去了, 不少的副作用開始呈現, 經常作嘔, 心跳得厲害, 手在顫抖, 異常疲倦, 情緒低落得常會無故流淚, 平常人看在眼裏, 真會以為我快要撐不住呢!

而事實上, 我從以前看過的網頁已經知道了這些情形, 所以未至於太過驚慌, 但着實不太易過呢. 每個星期也要到醫院抽血和留24味(即留二十四小時小便的檢查), 其實也頗煩厭, 但也沒有辦法了, 不能不做呢!

第一次吃環磷酰胺

由於是腎炎四型+五型, 醫生都比較緊張, 要先對付第四型, 於是要我吃一種比較強的抗癌藥環磷酰胺(Cyclophosphamide), 因這種抗癌藥在歷史上比較有效的關係, 一般療程為三個月.

當然, 副作用也比較多. 會像癌症病人一樣, 甩頭髮, 作嘔, 無胃口, 而最大的副作用是會令白血球降低及影響到生殖能力. 除了這種藥以外, 又另外要吃一種防止生蛇的藥, 還有用一種防止口腔潰爛的藥水漱口.  比平常吃的藥還要多出好幾種, 真是多藥到不得了.  每天看着一大堆藥, 還要小心執拾清楚, 深怕會食錯或食漏藥, 還要多飲水, 以防止膀胱出血(又是另一種副作用).

老實說, 根本連吃的胃口也沒有, 又怎會多飲淡而無味的水呢? 只是短短的個半月, 人已消瘦了許多.

 

晴天霹靂的結果

05年11月開始吃Cyclosporin A, 吃了差不多三個月, 蛋白尿的指數仍不見好轉, 醫生建議我再一次抽腎組織, 以確定用藥的方向.

於是在06年2月16日再被醫生抽了一次腎組織(又是痛苦的一次, 但今次總比第一次抽得好一點), 可惜的是, 今次的報告, 結果令人非常失望. 因為......, 今次發現, 我的腎炎已經轉化到第四型(最嚴重的一型, 會導致腎衰竭)+第五型(會有比較多的蛋白尿, 人容易腫, 但比第四型好).   而且還有纖維化的跡象!!!

唉!!!我真的不知如何是好, 竟然會有兩型腎炎同時發生在我身上. 已經付錢吃了MMF這貴藥足足一年, 換來的竟然是這種下場. 當時的心情簡直是陷入谷底. 呆呆地!

兩個明星

琴日出左銅鑼灣, 見到兩個明星.  一個係戴夢夢, 一個係江欣燕.

下午六點幾七點, 我入左一座商廈既lift, 跟我後面係一對好嘈的上海婆, 望真D, 一老一嫰, 個老既不停講野, 嘈到死, 個嫰既化行粧, 白雪雪, 間中答一兩句, 跟住出左lift. 嫰個個就係戴夢夢.(如果無認錯的話)

到左夜晚十一點, 係間茶餐廳門口等外賣, 突然隔離有很嘈吵的拉閘聲, 一望, 見兩個女仔係大廈出緊嚟, 望真D, 一肥一瘦, 肥個個睇唔到樣, 瘦個個原來係江欣燕, 又係化行粧, 白雪雪, 不過睇到D皮膚唔係幾好. 本來兩個一齊行過對面馬路, 江小姐突然停低, 又番轉頭一個人行番過呢邊, 然後離開左.

跟住我就諗 , 佢地化到個粧咁行, 想唔望多兩眼都唔得啦. 不過, 唔知唔化粧個樣係點呢, 哈哈! 會唔會勁普通呢?

又病倒了, 好彩唔係豬流感!

真黑仔, 只係一個三日兩夜既短trip, 病魔都唔肯放過我.

還記得第一晚睡覺以後, 第二朝一早醒來, 喉嚨乾乾的, 相信是冷氣抽乾了水份的關係罷, 整天還好好的, 到了夜晚吃了那胡椒餅後,已感到喉嚨有點兒不妥, 臨睡前老公還替我將濕毛巾放在床邊, 好讓空氣濕一點. 睡醒以後, 喉嚨痛痛的, 整個人很累, 又沒什麼胃口, 肯定自己着涼了. 幸好是旅程的最後一天, 可以回到香港再看醫生.

乘飛機回香港時一直戴着口罩, 入境時要填健康申報表, 心裏猶豫了一陣子要申報自己不適嗎? (因肯定會給留下來作檢查, 還不知要用多少時間呢?) 到最後還是決定申報吧, 要麼有什麼事也不要連累到其他人.

一如所料, 給職員帶往作健康檢查, 幸好檢查站內沒有人, 我給職員身份証及飛機票尾登記後, 便量度體溫, 用機探完兩邊耳朵, 誰知左面沒有燒, 右面卻有低燒, 給嚇了一跳, 於是再用比較準確的口探(心裏想着不要發燒啊, 要不可真麻煩死了, 可能會被送到醫院呢!) 幸運地, 沒有發燒, 哈哈. 職員再將我的表格給了另一位同事, 職員叫我入了一間類似房的物體, 問我有否接觸過疑似豬流感的病人或禽流感的病人, 我當然沒有. 於是他叫我不用太擔心, 叫我回家留意體溫, 倘若發燒便到急症室去, 如沒有發燒, 便到私家醫生那裏吧. 他們並會連續七天有職員打電話給我詢問我的情況. 我終於可以離開了.

總括來說, 安排還算不錯吧, 起碼不會阻礙太多時間. 剛巧今天新聞還在討論市民若不誠實填報健康狀況有否犯法的問題呢? 這真是一個具爭論性的話題.

開始食MMF的日子

自04年10月29日開始食MMF, 一開始吃的份量是早晚各750mg, 以我所知, 服用份量要根據病者的體重而定, 當時的我只有42kg. 吃了一年的時間, 各樣指數也沒有太大轉變. 再加上每次覆診時所看的醫生也不同, 他們原來也對我這個病有不同用藥的看法, 於是另一派的醫生就給我轉了另一種藥, Cyclosporin A, 當時無知的我根本無從選擇, 也不知是什麼一回事, 只知不用再自己付幾千完買藥吧!  做我們這類病人的, 很多時根本沒有選擇權, 有很強的肉隨砧板上的感覺!

如有神助的一程

間中會有諸事不順的感覺, 總是會頭頭踫着黑似的. 但世事總是相對的, 有壞事也會有好事發生.

母親節那天, 有一位要好的中學同學結婚, 地點在港島區的一間教堂, 行禮的時間是下午二時正. 因各種瑣事令我在1:25pm才上到的士, 由九龍灣出發, 但要經西隧過海, 沿途要經過多個燈位, 深怕會遲到. 但神奇地, 我看着每一個燈位的燈全都變成綠色, 又或是剛巧由橙燈轉為綠燈, 暢通無阻, 心底裏還在想 "真好彩"! 但一直不敢說出口, 深怕這幸運會溜掉而阻礙了行程. 最後, 1:50pm已到達了教堂, 很是高興! 真要多得幸運之神的幫助.

看着朋友結婚, 特別是用天主教那一套的儀式, 感覺與別不同, 總有一種很神聖又莊嚴的感覺. 祝願我這朋友能白頭到老, 永結同心.

計劃中

正忙於計劃五月尾的台北三日兩夜之旅, 不停瀏覽其他人的網誌, 眼晴很攰, 頭也開始有點暈. 其實想去的地方不多, 因為腳未必受得了, 如果太痛的話, 可能要整天留在酒店呢!  只想吃吃看看, 希望到時雙腳大發神威, 讓我可享受一下旅程吧!

風濕病基金會

我是復康會的會員, 從那裏得知有一個 "風濕病基金會", 能為風濕病的病人提供協助, 於是我問醫生, 醫生便轉介我到醫務社工, 誰知原來連醫務社工也不曉得有這一個基金會, 幸好我有基金會的宣傳單張, 也曾經跟它們的職員聯絡過. 於是, 社工便致電查詢詳細資料, 再幫我申請了. 我是這間醫院第一個申請這基金的, 所以對它們的資料也頗清楚, 甚至連醫生也要問我呢!

最後, 我得到基金會的幫助, 申請了一筆僅夠交個半月藥費的資助, 寥勝於無. 因為基金會的捐獻實在有限, 所以這已是它們所能做到的了. 當年是05年, 據我所知, 基金會現在已經能提供較高金額的資助, 能讓申請者得到較大的幫助了.  (現在我已不用再服用MMF, 家庭收入也不符合它們的申請資格了)

希望各位善心者能出一份力, 捐助"香港風濕病基金會" 讓更多有需要的人得到幫助.

香港風濕病基金會網址: http://www.hkarf.org/index-5c.asp

芝士粟米釀雞翼

昨夜一個人吃飯, 想起雪櫃有急凍雞翼, 於是便心血來潮想試弄一次芝士粟米釀雞翼. 由於上次在電視節目聽到主持人話起雞翼骨唔係太難, 於是想一試究竟. (好吃的話才弄給老公吃)

實際上, 對我來說, 我覺得頗難, 而且頗花時間, 真要花一些心機, 幸好我不趕時間, 最後用了半個小時才起了六隻雞翼骨, 亦即是五分鐘起一隻.  再炒個生菜, 就成了我昨晚及今晚的晚餐.  由於封口封得不太好, 焗好後取出來時給那些粟米走了出來呢!

味道還可以吧, 只是不夠芝士味呢! 今晚一定要落多一點芝士, 應該會好吃一點的. 

其實在起骨的時候, 有了一個領悟, 就是......., 還是不能吃太多雞翼, 原來真的很不健康.  當皮與骨分開的時候, 原來雞肉並不多, 差不多全是雞皮呢, 以前營養師常對我說不要吃雞翼, 但我忠言逆耳, 今天看到了實際情景, 才有深切的體會!

 

小狗剃毛了

好少見哥基會剃毛, 雖然唔靚, 但最緊要佢舒服涼爽.

誰知? 剃毛之後, 阿狗勁唔習慣, 唔識笑, 仲成日周身唔聚財咁, 坐又唔係, 瞓又唔係, 成日係度行嚟行去. 好肯定係佢勁唔慣無左d毛.  佢平時鐘意擰轉頭咬自己腰d 毛, 但剃完毛之後, 佢一擰轉身想咬自己, 就突然停左, 因為佢發現d毛唔見咗, 無得咬, 個樣呆一呆, 好攪笑!

唉! 希望佢快d習慣啦.

可惡的超市

早幾天看見新聞在報道超市的騙人技倆, 才發現原來我之前所推斷的一直是正確的.  近幾年到超市, 間中也會發現一些產品價格突然加了幾蚊, (行得超市多, 對很多產品的價錢基本上已經入腦了)但數天後又回覆了平常的價格, 當時已經有點懷疑. 最初只以為職員打錯價錢, 但今次由新聞報道出來, 就証實了超市真的很可惡! 竟然用先加後減的騙人技倆, 實在太古惑了, 幸好我很少會中招, 因為我會等它恢復原價才買.

還有另一招也是極可惡的, 就是"買一送一", 又或是"買二送一"的技倆. 硬要迫使客人買多一件貨品, 才能用回原價, 如果只買一件, 便變相買貴了.  我試過很多次, 想要買六排庄的維x奶, 常常是買一送一, 要知道如果買了兩排即12包維x奶, 哪來氣力再買其他東西呢? 最後唯有放棄不買了, 又是另一激氣事件. 

所以呢, 通常貨品是用以上的技倆的話, 我都會罷買的.

終於有結果了

抽過腎組織後, 很期待結果. 亦從互聯網上得到了腎炎的一些基本知識.  腎炎大致上分為五類, 第一類及第二類都不算太嚴重, 較嚴重的是第三類及第五類, 但最嚴重的就是第四類, 因為有機會會導致腎衰竭.

回醫院覆診, 醫生拿着報告, 我立即問醫生, 我是第幾類? 他說, 還好, 你是第二b類, 亦即是不太嚴重那一類. 頓時, 我的心才安定下來. 當然還是要吃藥. 但他建議我吃的, 是要自己掏銀包的藥, 而且頗貴, 一個月起碼要用差不多三千多圓呢, 藥物名稱叫Mycophenolate Mofetil, 簡稱MMF, 霉酚酸酯, 醫生說副作用比較少.  但對於一個沒收入的人來說, 實在有點困難.

 

悶悶的日子

最近人懶了, 感覺頗累, 沒心情寫東西, 也正在回想開始食抗排斥藥MMF的日子, 才能繼續寫那"紅斑狼瘡病誌". 不知何故總覺得悶悶不樂, 老公又飛到了外地公幹一星期, 自己又行動不便, 一整天坐在家裏. 

幸好老公在出發前跟我到店舖買了些CDs, 聽着聽着心情才好了一點.  買了Sarah Brightman 的 Symphony "Live in Vienna", 歌聲實在很動聽, 令我感覺很舒暢, 另外又買了Violin 101, 輕快的古典音樂, 令人容易放鬆下來. 還有兩隻尚未開封, 留待之後數天再聽吧. 小狗也很想念老公呢, 整天悶悶不樂, 有時又跑到老公床下的位置睡覺, 真令我有點妒忌!

食物標籤內的資料是否沒人監管?

2010年7月1日就有食物標籤了, 對我來說實在是一件好事.  皆因自從試過水腫之後, 我便開始很注重自己每天食用納(Sodium)的份量. 因為每逢水腫, 第一件事情就是要戒鹽, 以防止水腫加劇. 另外, 因為減少納的吸收, 便能減低腎臟的負荷, 防止高血壓及減低腎功能提早變差的機會.

氯化納(Sodium Chloride), 亦即是鹽的化學名稱, 是我們吸收納的主要來源.  正常人每天食用納的份量最多是2g, 亦即是5g的食用鹽, 否則就變成了高鹽飲食了.

氯化納裏sodium跟chloride的分量對比是4:6, 即是每1g(1000mg)鹽裏有400mg的sodium跟600mg的chloride. 因此, 5g的食用鹽就會有400mg x 5 = 2000mg 的sodium, 也就等於2g的納了.  (雖然有很多標籤會寫每天的納吸收是2400mg, 但也得根據個人體積大小而定, 所以2000mg是比較妥當的份量)

當我開始注重納的份量, 便發現原來日常飲食當中, 很容易就已經會食得太高鹽的. 以前常吃的食物包括香腸, 火腿, 煙肉, 罐頭湯, 罐頭肉類, 滷水食物, 燒味如叉燒, 燒肉, 燒雞鴨鵝等, 魚露, 大部份醬汁, 薯片, 蝦條, 部份餅乾, 甚至部份麵包, 也全都是高鹽食物. 現在唯有盡量減少食用這些食物.  到超市買食物, 我通常都會將包裝盒轉來轉去, 因為我在尋找食物標籤裏的鈉份量, 但很大部份的食物暫時都未有食物標籤, 所以我比較難選擇, 相信到了7月1日, 我的選擇應該會變得比較多的, 真是期待.

但其實還有一個很大的問題, 就是那食物標籤的資料是否準確, 萬一資料有錯, 豈非更加危險. 我曾經試過在超市看到四洲食品的"童星點x麵", 它的納含竟然是0mg. 根本是沒有可能的, 因為有吃過的人也知, 它的味道頗鹹, 怎會沒有納含量呢? 於是我打電話到食環署詢問, 想知道食物標籤上的資料有沒有人監管? 誰知我的電話被轉到了幾個不同的人手上, 我又重覆地問同樣的問題, 最後得到的答案竟然是------無人投訴, 就當食物標籤上的資料是正確的了.  天阿, 我家裏不會有儀器去測試食物的鈉含量的, 那我怎知食物標籤上的資料是否正確呢. 也証明了一件事, 食物標籤上的資料, 就我以上的事件証明, 現時是沒有人監管的.

腎組織活檢(Renal Biospy)

第一次的Renal Biospy 檢查對我來說簡直是一場悪夢, 睡在窄窄的流動病床上, 被人推到檢查室外冷冷的走廊等待, 彷似在等待着行刑一樣. 突然間, 房門打開了, 推出了一位剛被抽完組織的病人, 估計下一個就輪到我了, 心理壓力很大.  終於輪到我了, 姑娘叫我伏在床上, 用枕頭墊着肚皮, 正疑惑下一步會做甚麼, 心裏實在很害怕, 醫生突然說"要幫你打麻醉針, 會有d痛". 給打了一針後, 醫生便吩咐我要深深吸一口氣, 然後忍住, 直至他叫我呼氣才可呼氣.  誰知深吸一口氣忍住的時候, 醫生就將那抽組織的儀器插入左邊腎的位置, 有少許痛, 還以為自己還撐得住, 哼!誰知, 好戲在後頭.

突然, "chop"的一聲, 像被人活生生用刀插了一下一樣的感覺, 痛得死去活來, 却還要死命忍住那啖氣不能呼吸, 淚水已忍不住不停地從雙眼湧出來.  抽組織抽一下並未能抽取足夠的樣本, 所以必然會繼續再抽, 呼氣後又要再吸氣忍住, 再抽一次. 第二次已沒有第一次那麼痛, 相信是麻醉藥開始生效的關係吧, 最後終於抽完了, 我也已哭成淚人, 但卻沒人理會, 感覺冷冰冰的(心靈上), 可能醫生護士已抽得麻木了.

直至現在, 我仍然覺得, 第一下抽組織的時候麻醉藥還未生效呢, 所以才會那麼痛楚, 體驗了一次活生生被人插一刀的感覺, 也成為了我一世的陰影!

腎給打倒了

由病發到04年年尾, 一直也有睇中醫, 我的醫生也知道的, 我也轉了好幾個中醫, 食了好幾年中藥(真的好苦呢). 可是, 03年年尾的一次驗小便, 竟然開始有蛋白尿, oh my god!

風濕科的醫生開始要我留24味呢(即24小時小便檢查), 持續檢查了半年, 蛋白尿還不算很高, 大約0.4(超過0.5就要做腎組織活檢了(Renal Biospy). 到了04年5月那次檢查, 蛋白尿增多了, 必須做Renal Biospy, 並且轉介到腎科醫治, 因為有些藥物必須由腎科才能處方.

老實說, 真的不太情願, 因為由發病至今都是由風濕科的醫生跟進我的病情, 但也沒有辦法了, 希望在腎科能遇到像風濕科一樣的好醫生吧.

兩年的物理治療

不需再用拐杖後, 其實腰和腿一直也在痛, 在物理治療部做了差不多兩年的物理治療加水療, 得到的竟然是一句說話"我再也幫唔到你" 多麼絕望的一句說話......

幸好有一位比較相熟的物理治療師幫了我一個大忙, 他教我用一種醫療用的膠帶, 叫adhesive tape的東西紮起膝蓋的位置, 又真的令我行路時減少了很大痛楚, 只可惜他不能長期提供膠帶給我, 我唯有自己到藥房購買了.

找了好幾間, 最後要在Watxons訂貨才有, 價錢也頗貴, 貼上膠帶前要用一種藥綿, 撕掉膠帶又要用另一種藥綿, 平均每貼一次膠帶, 便差不多$10, 多麼貴啊! 但還是要買呢, 幸好我不是經常痛, 所以也不會用得太快, 最記得是我06年年尾結婚那天也是靠這膠帶才撐了一整天呢, 當天還整天穿着波鞋結婚呢, 哈, 又是另一個難忘回憶.

拐杖伴娘

手術後的兩個月便是我好姐妹的結婚大日子, 我們讀中學時已說明誰先結婚另一個就要做對方的伴娘的, 所以我趕着要在她的大日子之前放下拐杖. 照之前的計算, 兩個月後應該可以放下拐杖的, 誰知......, 原來兩隻腳都做了手術, 便要加長用拐杖時間. 我本來推辭了不做伴娘的, 但好姐妹還是想我做呢.

最後雖然我還是做了伴娘, 但卻是一名拿着拐杖的伴娘呢. 好姐妹另外再請了一位好朋友跟我一同做伴娘, 所有的事情都由那位伴娘幫忙做妥呢, 我真覺得不好意思呢, 但還是一個頗特別的經驗和回憶呢.

第二次減壓手術

到了9月17日, 便接受第二次手術了. 當時醫生決定要用局部麻醉.  落了麻醉藥後, 麻醉師將冰包放在麻醉的地方問我"有沒有感覺", 我感到冰冰的, 再過了一會再試, 我還是有感覺呢, 最後還是用回全身麻醉了.  我事後在胡思亂想, 倘若我有感覺而又繼續做手術的話會怎樣呢? 哈哈, 着實頗變態呢!

手術後總會給姑娘叫醒, 因為怕我們會一睡不起.  醒了後第一種感覺通常就是作嘔, 這也是麻醉藥的副作用, 通常我都會先拿紙袋, 然後靠意志力驅走那作嘔的感覺, 最後當然沒有嘔了.  今次姑娘還真好呢, 安排我睡在一張有遙控的病床上, 可以自己按掣將病床攪上攪落, 非常方便, 唔使成日煩到人, 可能姑娘知我都算係醒目病人, 所以有得用, 真開心!

跟上次一樣, 先做一些簡單的運動, 才再用拐杖學行.  由於之前已用了兩個月拐杖, 今次只是相反的腳罷了, 傷口還比較上次細呢(4針), 基本上也不用再學, 物理治療師跟我行了一圏和上落梯級後, 再加上醫生的準許下, 我三天已經出院了.  出院後回到家, 第一件事, 就是朋友到我家接我到她家玩, 哈哈, 激死屋企人.  但其實我真的頗精神呢.

輪椅度日的日子

出院後, 經常要回醫院做復康的治療.  每星期到醫院做兩三天的物理治療, 再加上之後的水療, 左腳已經可以由完全不能觸地, 變成可以用丁點兒力觸地了.  但到底, 我還是要用輪椅出入, 因為如果常用兩枝拐杖步行, 其實是一件頗累的事. 幸運地, 我有一個好媽媽, 由我當初病發到現在, 還是不辭勞苦地照顧着我, 陪伴我到醫院水療及幫忙我沖身, 扶我上落輪椅和的士. 差不多兩個月後(9月中), 我便要接受第二次手術了, 到時左腳便會變成主要用力的腳, 所以真的要好好鍛鍊呢.

坐在輪椅上, 也還是要上街的, 幸好有男友照顧, 當時他還有私家車, 所以我依然可到處走走, 也體驗了坐輪椅過活的日子. 香港雖然是大城市, 但對傷殘人仕的照顧着實還是不太夠, 我只能到一些較大型的商場才比較方便, 但還是要比正常人"兜"比較遠的路才用到需要的設施.  幸好我的身形比較瘦小, 有時找不到升降機, 便靠男友的臂彎抱上抱落. 記得我當時還有睇中醫, 但要到海富中心那樣遠, 我們先將車泊在中信大廈, 再推輪椅經過長長的天橋, 再由男友抱上抱落, 才能到達. 當時的女中醫師說她也看得非常感動呢. 着實我這男友也真的不差呢, 當然他現在也是我老公了.

第一次減壓手術

還記得手術當天是03年7月9日, 未做手術前, 還以為會頗辛苦頗痛的(因為以前做過開肚手術(13針呢), 異常辛苦), 但今次做完手術醒來以後, 只覺得傷口有少許痛(6針), 整個人卻很精神呢, 感覺真好! 第二天開始已經有物理治療師教我做各種動作以鍛鍊肌肉, 第三天更要我用架扶助, 開始學行.  開始的時候其實頗困難的, 因為做手術的腳不能觸地, 要靠右腿及雙手支撐整個人, 雙手被助行架弄得很痛. 到了第四天, 那治療師帶來了兩枝拐杖給我, 又再從新教我用拐杖呢, 我最初也覺得難以應付的, 很容易東歪西倒, 但因為治療師的一句說話, 我的手腳立即開竅了, 這句話就是,"你再唔學識用, 有排都出唔到院呀", 哈哈, 到了第五天, 我如有神助地, 已經能將拐杖應付自如了. 就這樣, 也給安排出院了.

好煩惱

最近天氣潮濕, 令我本已骨枯的髋關節及雙腿頗痛, 雖然一直也有針灸, 但似乎對近日的痛楚幫助不大.  很老實說, 做關節置換手術這念頭在我腦海內不停浮現, 但其實又極不情願, 因做了此手術後有頗多動作不能做, 例如蹲低, 提高腿, 坐矮凳, 坐梳化......, 諸多規限, 令我望而卻步. 

做完手術後, 醫生說有九成機會能止痛, 並且令我的活動能力增加不少, 效果着實頗吸引, 只可惜這人工關節只能伴我十數年, 到時又要看情況再決定能否做第二次手術, 再加上我一直也要食類固醇, 又有紅斑狼瘡這疾病伴隨, 根本很難知道新關節的壽命有多長, 如不能做第二次手術的話, 難道我五十歲還未到便要跟輪椅在一起? 

所以對我來說做 或不做手術實在很難取捨, 醫生也建議我痛到受不了才做這手術, 因為怎說也好, 始終是自己現在的關節最好. 如果能找到一些已做了這手術的病友就好了, 可以詢問到她們的情況及對生活的影響.  對我來說, 心理準備其實是最緊要的, 知道了將會發生甚麼事, 便甚麼也不怕了.

 

骨枯了-- 缺血性壞死(Avascular Necorsis(AVN))--第四篇

一直都是由一位姓黃的醫生幫我安排手術的, 我一直都以為要兩隻腳同時做手術, 還沒有想到手術後如何生活的問題, 但所有文件都已經簽好了, 只是等待下午的手術.  誰知到了中午, 突然有一位鄭醫生來到我床前跟我說, "你會否考慮先做一隻腳, 另一隻腳兩個月後才做呢?" 他解釋道如果只做一隻腳, 手術後我的活動能力會大很多, 因為有拐杖的幫忙, 但如果兩隻腳同時做了, 就連上廁所也要人幫忙呢. 我聽了後才恍然大悟, 當然也立刻決定先做一隻腳(左腳)了, 心裏很感謝這位醫生呢! 做完手術以後, 到後來醫生巡房, 才發現原來這位醫生就是骨科的高級醫生呢! 能遇到這樣的好醫生, 我真感到很幸運呢!

骨枯了-- 缺血性壞死(Avascular Necorsis(AVN))--第三篇

由於我已照了MRI, 清楚知道我真的是骨枯了, 而且是左右兩邊的盆骨都骨枯了, 因此要立即安排做手術.  究竟是什麼手術呢?  這就叫做減壓手術(Core Decompression), 簡單點說, 就是在骨頭上鑽一個洞, 令內裏有多些空間以增加血流量令骨頭壞死的速度減慢.  其實這也是援充之計, 令關節壞死的速度減慢罷了, 因為西醫都說骨枯無得醫. 心裏其實很害怕, 很混亂, 不知如何是好, 身邊又沒有人有這類經驗和知識, 突然想到了樂晞會, 於是致電留言查詢, 等了一天, 有一位已做了同樣手術的女士打給我, 我問她問題, 她好像不太願意解答般, 我也不想再問下去了, 說聲謝謝, 然後收線了, 因此, 樂晞會給我的印象其實頗差, 所以我到現在也沒有參加. 到最後, 我拜託一位朋友聯絡他以前的舊同學(骨科醫生)致電給我, 他解答了我所有的問題, 並解釋了這個手術的詳細情形及將來要做的手術給我知, 令我安心了許多, 在別無他法的情況下, 只有安排手術吧! 

骨枯了-- 缺血性壞死(Avascular Necorsis(AVN))--第二篇

如果你在醫院曾經試過排期照這照那的話, 相信你也會知道排期不會有多快吧, 就是因為資源不足的關係, 我在03年3月入紙排快期, 最快也要等03年9月才有期可照, 相信到時也痛死了.  於是跟男友商量後, 決定到私家醫院照.  我跟醫生說出我的安排, 他極之歡迎, 給了我介紹信, 並叫護士教我自己致電查詢各私家醫院的收費, 說出我是HA(醫管局)介紹的病人, 便會有折扣.  最後我用了三千多圓照了MRI(5月頭), 令診斷的時間也能夠快很多呢!  老實說, 如果在能力範圍做得到下, 想得到較快的醫療服務, 由HA介紹病人到私家醫院治療而有折扣這種做法是很值得推薦的, 但大多數醫生都不會主動提出, 大多是因為怕給病人投訴吧!

骨枯了-- 缺血性壞死(Avascular Necorsis(AVN))--第一篇

還記得03年年頭, 因男友的父親病重關係到廣州醫院探望, 誰知有一天前往乘的士的時候, 突然覺得左邊盆骨極痛, 痛得連站也站不到, 後來又好轉了, 但間中也會痛, 我沒有刻意理會它. 

後來回醫院覆診(3月中), 跟醫生說出這情況, 他立即要我照X-Ray, 怕我會骨枯, 我心想, 雖然我知道食類固醇的其中一個副作用是骨枯, 但不會這麼好彩吧, 誰知照完片回來, 醫生一看完片, 便叫我立即安排照MRI(磁力共振), 以及轉介我到骨科去了, 並說我很大機會是骨枯(簡直晴天霹靂).

變態上司

由於我"無時停"的性格, 半年後(即03年3月)我又再找到新工作, 可惜還未過試用期, 已經自動辭職離開了, 因為遇上了一個懷疑精神有問題的上司.  事實上, 他其實只是早我幾個月上工的, 在他任職期間, 已令三位女同事相繼辭職了, 亦有些男同事勸我快些離開, 避免發生危險. 本來我只是負責接待跟行政工作的, 後來會計的同事辭職了, 我便要同時兼顧會計的職責, 因此跟新加坡總公司的同事也有聯繫.  後來因為受到這變態上司的人身攻擊, 再加上我已排期做手術的關係, 終於辭職了.  變態上司當然欣然接受, 可是總公司的同事卻跟老闆談及我辭職的事, 叫我留低聯絡方法, 以便遲些再找我.  最後, 那變態上司給炒了, 總公司亦發電郵叫我回去上班, 可是因為我要做手術, 推掉了人家的好意.

腸塞入院

02年3月再度轉工, 做了半年, 可能因為老闆給我的壓力太大, 再加上我亂去求醫, 停了一個星期西藥, 轉服中藥, 出事了. 肚痛得不得了, 於是再度入院. 醫生發現我的腸不太會動, 斷定了我是腸塞, 於是加大類固醇, 再吊鹽水, 過了一星期, 又可以出院了. 我最後還是辭職休息了.  不敢再亂停西藥, 也不再亂聽中醫師的說話.

搵工了

在家繼續休養了數個月, 直至99年3月, 我決定搵工了, 由於是第一份工(以前也有做過暑期工), 只好到勞工處找工作.  恰巧又給我找到一份頗合心意的, 在尖沙咀做receptionist, 於是往見工, 自然地, 她見我讀的秘書學校也頗有名氣, 於是僱用了我. 雖然人工不多, 但我所學到的, 令我一生受用. 00年又轉到了另一間公司, 也認識了我現在的老公. 托賴這兩年的病情尚算穩定.

去旅行了

98年11月21日, 大姐姐請我去日本旅行, 皆因病重的時候姐姐跟我說,"你快d好番, 我請你去旅行". 而為了實踐承諾, 我們出發了.  現在看回相片, 看到的是圓圓的臉及稀疏的頭髮, 十足十的病樣. 這是我第一次出門, 還記得清水寺很美呢!

回家了(16/9/98)

續"出院後又再入院"

終於真真正正地回家了! 老實說, 着實有點不習慣. 瘦瘦的身軀只有75磅, 吃着類固醇, 胃口大了. 父母親每天也會給我買數個麵包(芝士香腸包, 吞拿魚包), 因為我每天一醒來, 就會異常肚餓, 手一伸便已經有麵包在枱頭, 再加上每天兩杯蜜桃味營養奶, 短短兩個月的時間, 已經重了10磅. 身體恢復得差不多了, 只欠了頭髮.  以前我的頭髮多得不得了, 現在卻異常稀疏, 唯有剪短頭髮, 才自然一點. 那是我長大以來第一次剪男仔頭, 很不習慣, 也不覺得好看.

好味道

早排睇雜誌, 知道金莎出咗隻黑莎, 好想試, 早幾日終於買左.  今日一試, 已經愛上.  金莎本來已經幾好食, 估唔到出左隻黑莎仲好食(鐘意食黑朱古力的人不容錯過).  不過都係個句, 一定要趁新鮮食.

佢同金莎唔同, 外面包住o既唔係果仁碎, 係黑朱古力碎

外層鬆脆, 裏面係黑朱古力漿, 再包住粒黑朱古力(唔係果仁)

真係好好味啊! 食完心情都靚d, 哈哈!

好無奈

星期一返醫院覆診, 做完基本檢查(量血壓, 磅重, 驗小便), 好難得, 好快就叫我個名, 仲要睇一號房(即係見高級醫生), 我心諗做乜唔係睇我睇開o個個醫生(我其實長期睇開同一個醫生), 一入到去, 個醫生即刻同我講 "我知你睇開阿邊個, 不過佢走左去第二間醫院lu, 我好似幫佢做緊宣傳呀可".

由於佢對我個病程唔熟, 所以都攪左一輪資料, 又問我食緊乜野藥, 再望下電腦睇我最近d血報告, 跟住就加我藥, 唉! 我自己睇到報告話蛋白尿多左, 係要加d藥, 不過如果係之前個醫生, 佢就唔會一加就加咁多, 仲會顧住我食左會唔會頭暈(血壓藥令血壓太低). 呢個高級醫生既做法一直都比較aggresive, 我其實一直都知, 同埋佢唔鐘意個病人問太多問題, 又唔鐘意解釋俾你聽點解要加藥, 總之佢話做乜你就要做, 唔好問咁多, 所以唔係幾鐘意睇佢(老實講, 呢種方法對老人家都話OK姐, 喂, 我後生女梗係想知你點解咁做啦), 我已經同佢講明我會頭暈, 佢都唔係好理我, 唉!

我依家最想就係搵番o個個醫生, 如果佢自己開診所, 我一定幫襯, 始終俾佢睇左幾年, 有感情嘛! 佢真係一個好好o既醫生!

針灸都唔錯

天氣暖番d, 仲去埋針灸, 終於感覺舒服一點了, 原來係坐骨神經痛令我這麼痛苦, 寸步難行.  今天感覺鬆了一點, 起碼將腳踏到地上沒有之前那麼痛楚, 但肯定的是, 我不能站得太久或行得太久, 否則痛楚立刻歸來. 希望快d好番啦, 攪到我去唔到同d病友飲茶, 真係激死, 我已經兩次無去啦, 第一次感冒, 費事傳染俾人, 第二次就生蛇唔想出街, 今次又坐骨神經痛, 真係好煩!

痛!痛!痛!

又好耐無打blog啦, 過年前一個禮拜都忙住執屋, 實在太多野太雜亂啦, 上年病緊無執屋, 今年就的起心肝執, 仲去"姨媽"傢俬買左吊櫃同層板整多d空間放雜物. 點知...... 可能實在太勤力, 攪到對腳頂唔住, 年三十晚開始到依家, 對腳痛到行唔到, 企落地都痛, 以前攞住拐杖都仲行到, 依家就算有拐杖都行得好辛苦同好慢, 行一步痛一步, 最慘係睇開個針炙師傅又未開工, 日日係度挨, 唯有出少d街, 留係屋企坐.  我真係唔想做手術住, 希望頂得一日得一日, 希望初八針炙完會好番啦.

出院後又再入院

放低了一段日子, 又再執筆繼續寫病誌. 續漸漸康復, 可以出院了

出院後不久, 由於被這個病折磨得太久, 醫生擔心我身體還有其他地方受損, 於是安排我再入院做肺部檢查, 詳細情形已忘記了, 只記得當時要入院住一個星期, 由於我並沒有大問題, 於是被安排睡在走廊, 因為公立醫院床位緊拙的關係.  睡在走廊着實不好過, 經常有人走來走去, 又沒有拉簾, 要睡覺又給走廊燈照個正着, 唯有努力溫習, 因為秘書學校特別給我安排補考機會, 我必須自己閱讀未教的課本然後考試.  還記得當時是十月中, 考試定於十一月.  最後我當然順利通過所有考試, 領取到文憑.(因為我未病之前還在爭取"Student of the Year" 的名銜.)
幸好肺部檢查也沒有發覺有問題.

小狗穿衣了

小狗是兩層毛的動物, 應該比較耐寒的, 但近日實在天氣寒冷, 小狗不停打噴嚏, 本想幫她加衣, 可惜上年小狗把唯一一件衫也咬爛了, 又還未買新的, 唯有給她穿我不穿的夏天背心.

真估不到竟然也稱身, 只是稍微鬆了一點, 以我不太差的縫紉技巧應該可以給她縫得較合適的.  最後終於完成了, 奇怪的是, 小狗竟然異常喜歡, 沒有半點抗拒, 還主動要求我幫她穿上呢, 最神奇的是, 她竟然沒有咬這新衫一口呢, 真是高興.

差勁傢俬舖

剛啱呢排娘家裝修, 買左張梳化同飯枱, 又係有氣受!明明係個度睇係張真皮梳化, 諗住俾多二百蚊轉顏色啦, 點知......, 唔止幫你轉顏色, 仲幫你轉埋做人做皮, 你話係咪激死!!! 呢間傢俬舖認真差勁, 咁樣呃人, 極之討厭, 如果係我, 一定唔收貨, 要佢俾番張真皮我, 但兩老又唔識咁做, 照收左貨, 無計.

其實我買左幾次傢俬, 發覺市面上大部份傢俬舖都係咁衰, 只係程度唔同, 落訂既時候就乜都話得, 改到天花龍鳳都得, 收左錢之後就過左海係神仙, 乜都話做唔到喎, 話之你有幾多投訴佢都唔會理你, 你話係咪賤格?

所以呢, 一係就唔好幫襯街外傢俬舖, 如果真係要幫襯, 就自己跟足d, 細心d睇佢個圖(如果訂做), 落訂俾少少好la, 貨到唔滿意唔俾尾數, 咁就唔使蝕咁多.  如果係我, 我真係寧願幫襯"姨媽"傢俬, 雖然明知唔會用得好耐, 但起碼佢唔會呃你, 條氣順好多.

有暖爐真好

未結婚以前, 每逢冬天, 無論我穿多少衫褲和襪, 手腳都總是冰冷的, 凍得手指跟腳趾都長滿凍瘡, 又痕又腫又痛.  試過有一年凍得連腳趾頭也爛了,  到醫院洗傷口, 姑娘還問我到那裏去了, 為什麼連腳趾也凍死了呢? 簡直難以置信!  我家因為窗口向東北, 冬天吹來的風真是寒死了, 而公共屋邨的窗用了都有十幾年, 漏風的, 就算關了窗, 也好像在街一樣, 想起也覺得寒死了! 老人家又不喜歡買暖爐, 現在就算買了也不願開, 還常常開大門窗, 說什麼要通風, 真是不明所以?

到我結婚以後, 搬到了新居, 天氣開始凍了, 窗只開小小, 本來有一部暖風機, 但上年的冬天差不多天天也是11度, 於是立刻去買了一部即熱式的暖爐.  嘩, 真是偉大的發明, 整個冬天也覺得溫暖, 凍瘡也離我而去了, 真是高興! 

現在夏天有冷氣, 冬天有暖氣, 總算過得比較舒適一點了(為了令自己病得舒服一點, 也不可能再去談環保的問題).  還記得十年前, 我居然會喜歡住在醫院多於住在家裏, 全因為醫院有冷氣, 令我舒服一點.  相信很多人會難以理解為何我家裏以前居然沒有冷氣(只因老人家不喜歡), 但老人家的思想就是這樣的了, 你根本難以改變他們的想法. 

 

海南之旅

成兩個禮拜無上網啦, 休息左一大輪, 都唔係咁舒服.  成個假期雖然有老公攞假陪住, 但係都無乜mood.  

Boxing day仲晨早飛左去海南島四日三夜, 但係日日落雨, 而且好大風, 根本凍到落唔到水, 無乜野玩.  諗住搭一日長途車去奶奶想去既水庫, 點知一條路就剩係電單車入到, 而另一條路又咁啱封左, 白白咁坐係架窄到死既Van 仔裏面, 由朝早八點半坐到夜晚八點半, 簡直有想死既感覺, 但係發現原來海南島都真係幾大, 我地坐左咁耐車, 都只不過行左三份一個島咋.

其實係酒店裏面都幾舒服既, 間房加錢upgrade左之後都唔錯, 可以真真正正咁hea下, 最慘係無乜食肆可以揀, 除左酒店間餐廳係比較好之外, 其他酒店外判既餐廳簡直係"不知所謂". 好彩酒店間餐廳都多元化, 有中, 西, 日三種菜式任揀, 但係佢d日式野就認真麻麻, 好彩中式同西式野都幾好味, 而且唔貴.  我地差唔多餐餐都係呢度食.  食晚飯期間仲會有live band 唱歌tim. 我諗成個trip 我最enjoy 就係呢樣野.

希望新一年真係能夠身體健康啦.  又就嚟農曆新年啦, 又要執屋拜年同派利是啦.