由於我已照了MRI, 清楚知道我真的是骨枯了, 而且是左右兩邊的盆骨都骨枯了, 因此要立即安排做手術. 究竟是什麼手術呢? 這就叫做減壓手術(Core Decompression), 簡單點說, 就是在骨頭上鑽一個洞, 令內裏有多些空間以增加血流量令骨頭壞死的速度減慢. 其實這也是援充之計, 令關節壞死的速度減慢罷了, 因為西醫都說骨枯無得醫. 心裏其實很害怕, 很混亂, 不知如何是好, 身邊又沒有人有這類經驗和知識, 突然想到了樂晞會, 於是致電留言查詢, 等了一天, 有一位已做了同樣手術的女士打給我, 我問她問題, 她好像不太願意解答般, 我也不想再問下去了, 說聲謝謝, 然後收線了, 因此, 樂晞會給我的印象其實頗差, 所以我到現在也沒有參加. 到最後, 我拜託一位朋友聯絡他以前的舊同學(骨科醫生)致電給我, 他解答了我所有的問題, 並解釋了這個手術的詳細情形及將來要做的手術給我知, 令我安心了許多, 在別無他法的情況下, 只有安排手術吧!
見到你呢個message已是09年的事,你康復了吧! 因我老爸最近雙腳無力及劇痛,月頭政府醫生跟我老爸說係尾龍骨第三節骨枯,仲同我老爸講:無野可以做,比d止痛藥你啦,阿伯....我我爸失望不己,仲覺得自己癱,無晒心機,想請問你在那裡治療,我想帶老爸去試試啦!
回覆刪除[版主回覆12/31/2011 21:24:52]但真係幾痛, 又唔想食止痛藥, 唯有開始針灸, 針了差不多三年了, 痛依然痛, 但都比之前好, 唯有一直針灸以作止痛之用. 好老實講, 醫就真係無得醫, 睇你有無興趣針灸, 有我先再介紹俾你啦.
[版主回覆12/31/2011 21:20:23]正如醫生所講, 骨枯係無得醫, 所以由03年開始骨枯到現在, 我依然是骨枯, 並未痊癒. 我自己又唔想做換骹
[版主回覆12/31/2011 21:20:22]正如醫生所講, 骨枯係無得醫, 所以由03年開始骨枯到現在, 我依然是骨枯, 並未痊癒. 我自己又唔想做換骹
其實我好初期, 而家食2.5mg半粒隔日食, 我唔係紅斑狼瘡, 我只係有腎病, 2011年換左腎, 但唔係好順利, 7月昏迷左一個月, 醫生解釋之後在ICU落得太多類固醇引致, 而家BOOK左2月9日睇骨科, 2月14日BOOK左廣華試下做針灸, 睇下會唔會好D...初時真係好迷惘, 一日喊幾次, 而家要用亞婆架幫助行路...@@'' SO POOR, 我好後生咋, 真係好難捱, 醫生話可以換較, 但只可以用到20年左右, 20年之後點呢, 同埋我而家唔係好嚴重, 所以佢地都唔考慮同我換....><><><其實我係起身果一下痛, 要企定先可以行路, 其他時間唔痛的~@@''
回覆刪除[版主回覆02/03/2012 18:15:32]希望你依家心情會快番D啦, 我諗我都明白你心情既, 因為我19歲就開始病, 病到依家要洗腎, 我都排緊換腎. 其實我骨科醫生話我已經可以做換鉸手術, 我左右兩邊盆骨都骨枯, 你醫生話可以用20 年, 但我醫生話最多十幾年, 好似你咁講, 20年之係點呢? 所以我拖得就拖, 依家呢段時間其實係我人生既黃金十年, 我自己都覺得好浪費, 但都唔想做呢個手術. 呢幾年我都試過排期, 起碼要一年至年半先有得做, 有排等, 之前做左成年物理治療加水療, 做到物理治療師話無野幫到我. 所以我開始做針灸, 針左咁耐, 依家靈活度仲好過未針之前, 不過依然係痛.
你既情形真係好值得試下針灸, 因為你仲係好初期, 仲要淨係起身果下痛, 比較輕微, 試下係廣華針下先, 應該都唔錯架, 我相信你既痛一定會減少, 遲D就唔使用亞婆個架幫手, 放心! 有乜野問題你再搵我啦!