真黑仔, 只係一個三日兩夜既短trip, 病魔都唔肯放過我.
還記得第一晚睡覺以後, 第二朝一早醒來, 喉嚨乾乾的, 相信是冷氣抽乾了水份的關係罷, 整天還好好的, 到了夜晚吃了那胡椒餅後,已感到喉嚨有點兒不妥, 臨睡前老公還替我將濕毛巾放在床邊, 好讓空氣濕一點. 睡醒以後, 喉嚨痛痛的, 整個人很累, 又沒什麼胃口, 肯定自己着涼了. 幸好是旅程的最後一天, 可以回到香港再看醫生.
乘飛機回香港時一直戴着口罩, 入境時要填健康申報表, 心裏猶豫了一陣子要申報自己不適嗎? (因肯定會給留下來作檢查, 還不知要用多少時間呢?) 到最後還是決定申報吧, 要麼有什麼事也不要連累到其他人.
一如所料, 給職員帶往作健康檢查, 幸好檢查站內沒有人, 我給職員身份証及飛機票尾登記後, 便量度體溫, 用機探完兩邊耳朵, 誰知左面沒有燒, 右面卻有低燒, 給嚇了一跳, 於是再用比較準確的口探(心裏想着不要發燒啊, 要不可真麻煩死了, 可能會被送到醫院呢!) 幸運地, 沒有發燒, 哈哈. 職員再將我的表格給了另一位同事, 職員叫我入了一間類似房的物體, 問我有否接觸過疑似豬流感的病人或禽流感的病人, 我當然沒有. 於是他叫我不用太擔心, 叫我回家留意體溫, 倘若發燒便到急症室去, 如沒有發燒, 便到私家醫生那裏吧. 他們並會連續七天有職員打電話給我詢問我的情況. 我終於可以離開了.
總括來說, 安排還算不錯吧, 起碼不會阻礙太多時間. 剛巧今天新聞還在討論市民若不誠實填報健康狀況有否犯法的問題呢? 這真是一個具爭論性的話題.
你返來呀? 好5好玩呀? 我地免疫系統低的人好多時都容易被病魔乘虛而入, take care ah! 你真好, 若每個公民都能學你一樣, 我相信這個世界會變得更美麗~~
回覆刪除[版主回覆06/08/2009 12:17:00]返來之後病, 成日好攰, 所以無開電腦, 成兩個禮拜無check email呀. 都仲未得閑打個trip d 野上嚟. 去得三日兩夜, 隻腳第一日好痛, 差唔多全日都係酒店張床, 因為隻腳狂抽筋, 痛死咗, 第二日好d, 先有得出去行下咋, 跟住第三日就買手信走人.
嘩......胡椒餅 , 很熱氣的....你有沒有買台灣名產 , 李錦李的八仙果 ? 對於醫治喉痛聲沙...十分有效 ! 現在好了點嗎 ? (遲來的問侯 , 不好意思)
回覆刪除[版主回覆06/08/2009 12:21:00]真係好熱氣, 如果唔係都唔會喉嚨痛. 不過我無買八仙果, 因為我唔食, 哈! 返到嚟仲開似流鼻水, 所以睇左醫生食左藥, 個人勁攰, 無開電腦成兩個禮拜, 今日先開嚟check下email咋, 依家好番好多, 不過仲有d痰係喉嚨唔上唔落.
現在搭飛機去旅行真是很擔心, 我八月都會去旅行, 我都要全程十幾個鐘戴口罩了.
回覆刪除[版主回覆06/15/2009 18:28:00]今次又去邊呀? 真係開心, 又有得去旅行. 不過其實我又計劃緊去北海道睇紅葉, 但如果太凍我驚我對腳會好痛行唔到. 所以都係諗清楚先. 老實講, 戴住口罩真係勁焗, 你仲要戴十幾個鐘, 頂得順無?