Happy New Year

新一年又到嘞, 祝各位新年快樂, 身體健康, 開開心心!

織頸巾

無聊之際, 又開始織頸巾(雖然已經有一整個櫃筒的頸巾), 但還是繼續織.  已經織了兩條細小的給自己, 現在正在織一條給老公, 闊多一倍呢, 時間要花更長了!

對於初學的我來說, 有一個最大的問題一直考起我, 就係有好多種自創的花紋織出來會令頸巾兩邊捲起變成"鵝腸" 令頸巾變了樣縮起了, 於是又要重新再織另一個花紋, 麻煩透了, 不知如何解決. 就正如圖中黑白格仔那一條就有如此情況.

朱古力粒杏仁碎曲奇

四年前, 開始有自己的廚房, 買了一大堆整餅工具, 也曾做過不多的曲奇和蛋糕, 但因為我只愛整餅但又不太愛吃(身體也不容許我吃太多), 又怕老公變肥佬, 又怕浪費食物, 最後便將這興趣放低了一陣子.

最近覺得異常無聊, 又想再重拾這興趣.  先小試功力, 做了個朱古力粒杏仁碎曲奇, 味道尚算不錯, 剛焗出來的時候還頗脆, 放了一陣子後, 變得有點兒實了, 也甜了少許, 下次要再放小些糖.

材料:

1) 無鹽牛油     60g

2) 黃糖             50g

3) 蛋                 1 隻

4) 雲呢拿香油 少許

5) 低筋粉         130g

6) 朱古力粒     30g

7) 杏仁碎         少量

做法:

1) 杏仁碎先放焗爐用180度焗至略變色(約3-5分鐘).

2) 牛油預先放在室溫暖化, 加黃糖發打至鬆發.

3) 將蛋打散, 分數次加入1)再拌勻.

4) 加數滴雲呢拿香油拌勻.

5) 麵粉預先篩過, 再分數次加入2)中拌勻.

6) 加入朱古力粒及杏仁碎拌勻.

7) 將麵團弄成長柱形用保鮮紙包好放入冰箱雪約一小時至硬.

8) 取出切片再用180度焗約15分鐘.

好不起來

打咗藥都已經三個月了, 可惜的是, 到依家個腎都好似無乜起色咁, 就連醫生都話要有心理準備去接受個腎好唔番既事實, 諗定以後洗腎既安排.

亦由於食多咗類固醇既關係, 骨枯既情況又變差咗, 痛得要用輪椅出入, 連自己出街的能力也沒有了. 真是悶得發慌呢!

台北之旅第三天

昨夜吃過了胡椒餅, 再加上酒店冷氣令喉嚨乾渴, 一早起床, 喉嚨極痛, 慘了!

早晨到了酒店隔一條街吃郭蒸餃加玉米湯, 一個便宜但味道一般的早餐.

今天是行程最後半天, 是時候去買手信了. 先到江記華隆買脆脆豬肉紙,

再到李製餅家買鳳梨酥,

 然後再維格買我愛的鳳朵酥, 再到西門町走走, 吃吃可樂餅,

 到峰大咖啡坐坐, 然後到老天祿滷味買雞翼鵝翼鴨舌, 再到

謝謝魷魚焿吃一碗,

 便回酒店大堂取回行李, 然後到機場去了. 這樣就完成了台北三天之旅了.

台北之旅第二天

第二天早上, 本來想去鼎泰豐食個brunch的, 但十一點幾去到已經要等頗多張飛了, 於是轉換地點, 去了吃蝦仁肉丸. 叫了數個小點, 味道尚算不錯, 有似曾相識的味道, 可能跟我平常吃慣的潮洲食物差不多罷.

職員很好客,  知道我們是香港人, 不斷跟我們談話呢.

吃飽後過了微風廣場逛街, 再到誠品旗艦店逛了整個下午, 簡直流連忘返,

餓了便到底層的foodcourt醫肚, 但叫了個敗筆的意粉, 吃了一啖超難吃, 完全吃不下,

再叫了個焗飽套餐才吃飽呢,

滿載書歸後, 便再到饒河街夜市買胡椒餅,

再到士林夜市走走, 買了大腸包小腸,

還有大餅包小餅,

再加一杯蜂蜜蘆薈, 便回酒店開餐了. 完成了第二天的旅程.

 

 

 

 

 

 

好想去旅行

見到網友比比媽媽又去完北海道, 咁啱我大病完, 同老公先係醫院傾開幾時再去北海道, 又係時間開始計劃定下一個旅程.  不過, 一切都要等我唔洗洗血先可以實行.

腎呀腎, 你快D郁番啦, 我好掛住你呀!

死過翻生(1)

又很久沒寫blog 了, 因為實在太累.  自從6月開始已經不太舒服, 滿以為一直以來練習氣功會對身體有幫助, 誰知還是逃不過突如其來的災難.

8月頭, 因為水腫關係, 到私家醫院向轉了工的醫生求診(原本他是在公立醫院的), 希望尋求隨了抽腎組織以外的另一些方法. 但得到的回應仍舊是抽腎組織, 但如果在私家醫院就免除痛楚.  最後我還是決定要豪一次.

隔天晚上入院, 跟著那天早上抽腎組織, 今次是第四次, 亦是印象模糊的一次, 因為落了很多止痛劑, 抽的時候真的完全不痛, 也不知曉. 反而是之後的24小時卧床才痛苦.  老公跟老豆在病床邊陪伴我, 最初還跟老公吃了個大蝦水果沙律, 精神抖擻的, 誰知轉頭便開始昏睡起來, 時而又手握拳頭搥向床邊, 因為覺得辛苦, 不知如何發洩. 姑娘間中來量血壓, 我還能與她們流利對答.  到了下午, 醫生來巡房, 發現我極度不妥, 一夾我手指check含氧量, 驚覺只得四十幾, (正常應有95%以上),  原來我的急性腎衰竭令我排水功能有問題, 肺水腫, 水浸肺了, 再遲些發現, 我就已經不在人世了.

 

下一篇: 死過翻生(2)

空想

最近很奇怪, 當聽到收音機談論中七放榜, 竟突然回想起自己當年放榜的情形, 然後又繼續想, 倘若當年選擇重讀, 又或是選擇讀IVE, 結果會是怎樣呢?

然後又有一天, 聽到今年澳洲放寛香港人往當地的working holiday visa 的人數, 又在想如果我身體健康, 而年紀又符合的話, 我相信我也會往澳洲走一趟去體驗生活. 

只可惜, 一切都只是空想. 最近身體不太安康, 食不下嚥,  人在發悶, 所以便常在想這想那, 很無聊呢! 無聊得連看卡通片也可以落淚.

又覆完診了

繼一個月前覆診被醫生加藥後, 六個星期的覆診期又到了.

經過我努力自己動手煮飯(低鹽), 再加上盡量小出街吃飯, 我的蛋白尿指數由1.85降至0.4呢. 真是一個好消息. 那亦証明了街外的食物儘管不太鹹, 但若加了味精, 就必定變成高鈉食品.

可惜的是, 我的肌酸肝指數已經由137升至155, 亦即是我的腎功能比之前更差了.  還望針灸跟氣功能讓我的腎臟奇蹟地起死回生吧.

由於蛋白尿指數已回復到低水平, 這位醫生又將我的覆診期變回十二個星期了. 而事實上, 我跟醫生說出我並沒有加吃上次覆診所加的藥量, 因此他亦將藥量變回我原來的份量了.

我相信我真的要令自己吃得更健康了, 同時亦証明了飲食對身體的影響極大呢!

好慘呀!阿狗俾人投訴呀!

搬入新屋都唔夠兩個月, 今朝就已經收到管理處電話, 話有人寫信去投訴我地隻狗好嘈, 成日吠, 又話佢D跑步聲好嘈喎! 真係慘!

我都知呢度D人好易投訴架啦, 始終呢度D人讀書多D, 好容易就會出信去投訴. 雖然我都知我隻狗係鍾意吠, 都已經盡量控制住佢, 但最後都俾人投訴, 唯有花D 錢去請人train 下佢, 睇下有無改善啦.

以前住個度, 都係好多人養狗, 我隻狗吠既情況同個陣差唔多, 但從來無人有投訴, 可能人情味多D卦, 所以都住左三年半, 諗住搬大D, 又已經搬到叫做養得狗既屋苑(但如有兩戶人投訴的話都係唔俾養), 點知話咁快就有人出哂信, 其實都知道係樓下單位投訴, 因為佢話隻狗跑步嘈, 咁都係得佢地會聽到姐. 

唉, 真係麻鬼煩, 其實阿狗都唔係成日吠, 又唔係一日到黑都係度跑步, 最多都係玩拋波波先跑下姐, 咁都唔得? 我覺得隔離屋D 細路仔仲嘈啦, 成日叫又成日喊, 咁我可唔可以投訴佢地呀? 仲有呀, 隔離屋有兩個單住係同一個業主, 佢個工人成日係兩間屋出出入入, 密碼鎖又成日響, 閂門又"嘭嘭"聲, 唔通我又去投訴佢呀? 樓上個單位, 成日半夜一點先沖涼, 我係度瞓覺都聽到佢D水聲同埋沖廁聲呀, 仲要有個女人無端端係度大叫, 都唔知係咪有精神病架.  如果我好似樓下咁投訴, 家家戶戶都要俾我投訴呀! 

又加我藥, 激死!

星期三剛剛覆完診, 竟然係睇我唔想睇既腎科醫生. 佢係高級醫生, 但我覺得佢既思維方式實在係太簡單. 以我睇左呢6年既經驗, 每次睇親佢都唔會有好事發生, 因為佢次次都係會叫我 "加藥", 所以我好唔鐘意睇佢. 果然, 今次都唔例外, 又係加藥. 個原因係因為蛋白尿又多左, 所以要加血壓藥去降蛋白尿.

點解我會話佢思維方式簡單呢, 因為佢就好似一部機器, 有哂公式咁做野, 完全無 buffer, 無乜商量餘地, 基本上你同我知道條方程式就已經可以坐佢個位. 所以呢, 可以唔使睇佢就最好.  但好不幸, 佢竟然mark低左下次覆診要睇番佢, 真係慘!

其實蛋白尿多左, 有可能係我抽血之前食左好多西藥所引致, 因為我之前感冒. 依家已經好番哂, 所以個抽血結果唔可以全然作準, 我係醫生的話就會覆診期短D, 睇多一次血報告先再決定加唔加藥.

要搬屋了

我是一個喜歡間中有環境轉變的人, 現址住了三年多, 開始有想搬屋的感覺了. 所以對我來說, 還是租屋好, 只需一個月通知, 再找搬運公司, 事情大約就辦妥了. 

當然, 最重要的那一部份就是執拾細軟了.  其實這也是我想搬屋的一個原因. 平常逛街, 見喜歡的東西就買, 不理管不管用, 到頭來很多物件都如擺設般放着, 從來沒有用過, 簡直是浪費金錢, 又霸佔空間. 全屋有平台的地方差不多都放滿了, 所有櫃也再塞不下, 唯一的解決方法, 就是搬到大一點的單位. 似是治標不治本的方法, 但總能令心理上平衡一點.  租變得貴了, 自然就要慳一點, 這不失為一個叫自己不要再亂買東西的好籍口. 

最困難的事其實是掉東西, 很多東西其實都有其用途, 只是我用不着罷了. 掉了它們很是浪費, 但放着又沒有太多位置, 最後便令到家裏變成一個大儲物屋了.

現在最大的心願, 是為這些"唔等洗"而又濕碎的物件有一個適當的收容所, 最理想當然是送給有需要的人吧!

惡夢之延續篇

(上一篇: 惡夢開始了)

又過了一天, 簽了同意書後, 便要抽腎組織了.  突然, 我在門診部其中一個最信任的醫生出現了, 他一向也深知我很怕抽腎組織, 但他竟然說今次由他親自操力, 我心情才安定了一點. 腎科病房的護士都很好, 她們知道我很害怕, 將我推進抽腎組織的房間後, 有的不停跟我說話, 有的開了些音樂讓我放鬆一些, 很溫暖呢!

終於, 醫生準備好所有東西後進來了, 我用枕頭墊着肚子趴在床上, 醫生叫我練習一下吸一啖氣然後忍着不放, 跟着便開始了.  首先用超聲波照好了位置, 再打麻醉針(有少許痛, 他已加重了麻醉藥的份量, 因為我真的很怕痛.), 跟着便將那工具插入腎的位置(暫時也未感到痛楚), 跟着要到最重要的一步了, 醫生叫着"吸氣忍着", "啪"的一聲, 抽第一下(痛的感覺頓時出來了, 淚水已忍不住流了出來), 再"啪"第二聲, 又再抽了一下, 他又說"可以呼氣了", 我已淚流满面, 黙不作聲了. 他(她)們各人也呼喚着我, 我已痛得開不了口, 他們非常緊張, 以為我暈倒了便大件事. 終於我開口了, 他們才放下心來. 我還問姑娘拿紙巾抺面呢! 突然, 另一名我最信任的醫生也出現了, 他是來慰問我的, 可惜當時我太痛, 回應不了他, 他便離開了(他到來是因為之前在門診部他答應了倘若我要抽腎組織, 他必會到來探望, 他果然信守承諾).

抽好了的標本, 必須派人火速送到化驗室去以確定標本足夠與否, 如果不夠的話, 可立刻再抽多一些(因醫生怕我痛, 所以不敢抽太多下).  等了不知幾多分鐘, 有回覆說標本真的不夠, 醫生便問我可否再繼續抽, 我心想, 今次不抽, 下次也要再抽, 那倒不如一次過痛夠吧, 於是我答應了繼續再抽.  又再重覆着之前的動作, 但今次再抽, 卻已沒有之前那麼痛了, 可能身體已適應了罷.

終於完成了, 還得過痛苦的24小時呢, 因為要平躺着壓着傷口以防大出血, 所以不能起床, 吃飯喝水大小二便也得躺着, 極度痛苦呢!

2010年1月11日覆診日

病情尚算穩定的2009年過去了, 新的一年又開始. 學氣功到現在也有七個多月了, 感覺還算不錯, 病了那麼多年, 相信要痊癒也不是一朝一夕的事, 但我相信總會有這麼一天的.

過去數次的腎科覆診期都是十二個星期. 星期一剛剛又覆完診.  數字上也是如常的上上落落, 但血壓不知怎的有點高, 竟然是159/71, 有點不明所以. 其實最近經常有血壓稍高的問題(我有每晚睡前量血壓的習慣), 很多時是下壓太高, 超過85. 數個月前我的血壓都是偏低的, 因為在沒有血壓高的情況下食血壓藥(為的是減低蛋白尿), 通常是95/65, 但現在血壓常維持在125/80. 雖然還在安全範圍, 但心裏難免有點兒擔心.

無論如何, 寄望新的一年病情有更好的發展.