第一次的Renal Biospy 檢查對我來說簡直是一場悪夢, 睡在窄窄的流動病床上, 被人推到檢查室外冷冷的走廊等待, 彷似在等待着行刑一樣. 突然間, 房門打開了, 推出了一位剛被抽完組織的病人, 估計下一個就輪到我了, 心理壓力很大. 終於輪到我了, 姑娘叫我伏在床上, 用枕頭墊着肚皮, 正疑惑下一步會做甚麼, 心裏實在很害怕, 醫生突然說"要幫你打麻醉針, 會有d痛". 給打了一針後, 醫生便吩咐我要深深吸一口氣, 然後忍住, 直至他叫我呼氣才可呼氣. 誰知深吸一口氣忍住的時候, 醫生就將那抽組織的儀器插入左邊腎的位置, 有少許痛, 還以為自己還撐得住, 哼!誰知, 好戲在後頭.
突然, "chop"的一聲, 像被人活生生用刀插了一下一樣的感覺, 痛得死去活來, 却還要死命忍住那啖氣不能呼吸, 淚水已忍不住不停地從雙眼湧出來. 抽組織抽一下並未能抽取足夠的樣本, 所以必然會繼續再抽, 呼氣後又要再吸氣忍住, 再抽一次. 第二次已沒有第一次那麼痛, 相信是麻醉藥開始生效的關係吧, 最後終於抽完了, 我也已哭成淚人, 但卻沒人理會, 感覺冷冰冰的(心靈上), 可能醫生護士已抽得麻木了.
直至現在, 我仍然覺得, 第一下抽組織的時候麻醉藥還未生效呢, 所以才會那麼痛楚, 體驗了一次活生生被人插一刀的感覺, 也成為了我一世的陰影!
(Empty)
回覆刪除[版主回覆03/22/2009 00:16:00]我唔知係咪得我先係咁恐怖, 諗諗下其實唔係幾應該寫出嚟, 因為我驚我既個人經歷會嚇親個d未做過Renal Biospy既人, 咁就唔係幾好啦, 因為呢個檢查都係腎炎人仕必須要做, 所以我諗緊好唔好delete 咗呢篇野好.
~飾品批發,少量可批,有圖可用~4
回覆刪除http://www.board.idv.tw/
你抽得甘恐怖(我第1抽吾記得叫我呼氣,我又吾sure做完未,護士又問我野..)..其實會否有其他原因,因為我覺得那位'捉緊'我的護士,在很初期已用超乎我想像的力度按住我..不過我吾識人體結構與神經線分佈..anyway,我再有d日都會怕怕 ...起碼我之後有成個week都好吾舒服.
回覆刪除[版主回覆03/22/2009 00:13:00]我之後再分別於06及07年再抽多另外兩次做檢查, 但已經比起第一次無咁大痛楚(但其實都係幾痛下), 醫生成日都氹我話有好多人抽都唔痛, 可能你係其中之一(真係幸運), 但我幾次都幾痛, 不過就一次比一次少痛, 可能心理上已好清楚個程序係點, 所以都有心理準備. 抽完後最難捱都係瞓個24小時唔準起身, 要瞓係度壓住個傷口, 出院後就要好小心個傷口咁囉.
我第一次抽果陣......好似13歲~
回覆刪除可能年紀細....佢幫我打全身麻醉~
果陣......第一次入院....住左幾日隔離病房....就比人掉到兒童腎病病房...
之後過左幾日...就比人抽腎組織"
我當時病到呆曬.....所以都唔得閒驚=.=
同你一樣...."姑娘叫我伏在床上, 用枕頭墊着肚皮"
then....醫生幫我照超聲波...[[痕到我係咁笑- -]]
照完....姑娘就幫我打全身麻醉針....咁就抽完~
希望你同我都唔洗再抽 ><
[版主回覆04/02/2009 16:23:00]但願如此啦, 咁你現在幾好嗎?
你的經歷是 麻醉藥還未生效， 而我的是 麻醉藥失效 ！ 我的換腎手術的最後6針是已完全清醒過來時縫合的！ 那種痛苦，真是非筆墨所能形容！ 祝你健康！
回覆刪除[版主回覆04/05/2009 16:25:00], 乜咁恐佈架! 果然係"一山還有一山高", 不過最好唔係呢d事件啦. 我都好明白你個種"非筆墨所能形容" 既感覺. 不過一切都過左去, 我唯有祝你身體健康啦!