由病發到04年年尾, 一直也有睇中醫, 我的醫生也知道的, 我也轉了好幾個中醫, 食了好幾年中藥(真的好苦呢). 可是, 03年年尾的一次驗小便, 竟然開始有蛋白尿, oh my god!
風濕科的醫生開始要我留24味呢(即24小時小便檢查), 持續檢查了半年, 蛋白尿還不算很高, 大約0.4(超過0.5就要做腎組織活檢了(Renal Biospy). 到了04年5月那次檢查, 蛋白尿增多了, 必須做Renal Biospy, 並且轉介到腎科醫治, 因為有些藥物必須由腎科才能處方.
老實說, 真的不太情願, 因為由發病至今都是由風濕科的醫生跟進我的病情, 但也沒有辦法了, 希望在腎科能遇到像風濕科一樣的好醫生吧.
你連MMF 對你都冇乜效用, 咁你而家食緊咩藥去控制腎炎呀? ....有時又真是覺得好無奈, 不過我又覺得心情好影響病情, 與其日日擔心, 不如放開d, 開心d, 咁反而對病情有幫助.
回覆刪除我向07年做過骨質疏鬆檢查, 當時好靚架, 不過而家唔敢講lu, 下次覆診我會叫醫生寫紙我去做, 排期唔算好耐, 但都要自費比錢 (比出面自己做平d咁啦)
我足踝痛唔似是關節痛, 我一向都有小關節毛病, 希望唔是咩大件事啦. 大家一起努力吧!
[版主回覆03/18/2009 22:15:00]我依家食緊Cyclosporin A, 不過呢隻藥唔係幾好, 佢雖然係幫到腎炎, 但佢有個副作用係會同時傷害緊個腎. 我個腎本身已經有d纖維化左, 如果食呢隻藥, 係會加快個腎纖維化, 咁就會令將來要洗腎既機會提高, 所以有d腎科醫生唔係幾想我用呢隻藥. 我07年個次個腎發炎, 食埋CTX都唔掂, 已經將藥量比正常加重左, 點知攪到白血球得番0.5, 要入院隔離, 成半個12月尾留係醫院, 冬至聖誕都係入面過, 最後無得揀, 得番呢隻藥, 希望頂得住啦!
我都吾想轉科,因風濕科的醫生是睇SLE全科第1站,他一向都好照顧我d'其他'問題....冇葯也有一些解說....吾知一轉腎科是否一世腎科(以冇衰肝及腦 )...
回覆刪除[版主回覆03/18/2009 22:29:00]無錯, 風濕科真係會細心好多, 每逢我有其他問題, 同腎科講, 佢地都唔係好理我, 我唯有等風濕科覆診先再同佢地講. 老實講, 腎科真係剩係會照顧個腎, 唔會理其他野架. 仲有呀, 佢地乜都會諗左自己個範先, 好似我之前入院, 明明要用丙種球蛋白, 但腎科高級醫生竟然因為貴, 同埋用左會令佢地睇唔到某d野, 於是由得我係度白血球低(0.5), 乜都唔開俾我, 由得我係度挨, 好彩我仲有風濕科醫生睇住咋, 風濕科同腎科爭拗, 最後由風濕科簽紙開丙種球蛋白俾我, 我先可以半個月後出到院, 如果唔係真係唔知要等幾耐白血球先自動升番lu.