剛啱呢排娘家裝修, 買左張梳化同飯枱, 又係有氣受!
明明係個度睇係張真皮梳化, 諗住俾多二百蚊轉顏色啦, 點知......, 唔止幫你轉顏色, 仲幫你轉埋做人做皮, 你話係咪激死!!! 呢間傢俬舖認真差勁, 咁樣呃人, 極之討厭, 如果係我, 一定唔收貨, 要佢俾番張真皮我, 但兩老又唔識咁做, 照收左貨, 無計.
其實我買左幾次傢俬, 發覺市面上大部份傢俬舖都係咁衰, 只係程度唔同, 落訂既時候就乜都話得, 改到天花龍鳳都得, 收左錢之後就過左海係神仙, 乜都話做唔到喎, 話之你有幾多投訴佢都唔會理你, 你話係咪賤格?
所以呢, 一係就唔好幫襯街外傢俬舖, 如果真係要幫襯, 就自己跟足d, 細心d睇佢個圖(如果訂做), 落訂俾少少好la, 貨到唔滿意唔俾尾數, 咁就唔使蝕咁多. 如果係我, 我真係寧願幫襯"姨媽"傢俬, 雖然明知唔會用得好耐, 但起碼佢唔會呃你, 條氣順好多.
既然係錦﹐點解唔去D信得過既大公司買呢﹖點解兩老會收貨架﹖比我一定問個究竟﹗更係要他們比翻張真皮架啦﹗不過我林兩老可能林注多一事不如少一事啦。。。
回覆刪除老人家嘛, 唔識咁多野, 同埋都係費事麻煩啦.
回覆刪除