做完了兩次換骹手術， 發現原來手術並不如我想像般可怕，可能因為我覺得並不太痛， 止痛機也只按了三數下， 連護士也常來問我為何不按掣呢！
雖然做完手術係有些動作不能做， 但也不如我想像般不方便， 起碼我可以再行街， 兩隻腳的長度變回一樣是令我最喜悅的， 因為從此我買鞋就方便許多， 唔使再為用加高鞋墊而煩惱了。
要是我一早知道手術是這樣的， 我一定會一早就做了， 不會等到今天（骨枯後差不多十年）才做。但話說回頭，如果我不是忍痛忍了這麼久， 對痛已經習已為常， 可能我會覺得今次手術是很痛的。所以痛的程度絕對不能作準，而且更是因人而異！
再過兩個星期，就會由腳尖走路轉為半力走路，然後再過六個星期， 正常的話，我大約五月頭就可脫離拐杖的行列。
很期待呢！
很高興你的康復進展很快，但不要心急，要慢慢聽你自己的身體反應。我的教授醫生時常話，康復會有起伏，只要總體有進步就得。我現在已經可以交义腳，和可能樽底剪腳甲，但膝關節時常有病，教授話是筋肉的不平衡，由於當年我的長短腳關係。祝你早日康復
回覆刪除[版主回覆03/12/2013 18:48:00]其實物理治療師建議我以後都唔好交义腳同樽底，因為佢地驚我會甩骹， 所以基本上我係唔會做你講個D動作。你講膝關節既問題，其實我都有，有時一個姿勢定得太耐，個膝頭直頭郁唔到，一郁就痛到儍，緊左！個盆骨都係咁！我依家已經唔再長短腳，真係好開心！相信你都一樣生活得開心， 祝你身體健康，快快樂樂！
恭喜晒你, 亦希望你身體盡快恢復過來!! 為你拍掌
回覆刪除