身痕加失眠

呢個病真係好奇怪，永遠都唔會俾我舒舒服服。

除左要定期洗腎之外，以為連換骹手術都做埋，就一切安好啦，點知無端端對腳內腳眼位起左好多紅點，唔知乜黎，等到覆診個陣問醫生，佢話似係濕疹喎！ 開左支類固醇葯膏俾我搽。

誰不知隔無兩日，到個身痕，仲R到周身一噠噠圓形，痕到成晚瞓唔到！搽左D立英膏，又好番D無咁痕，點知又無端端失眠左成個禮拜，晚晚一瞓上床，明明好眼瞓，但就會突然心口“那”埋一注，個人突然好緊張，完全放鬆唔到，就咁眼光光到天光。

都唔知乜事，希望儘快可以搵到原因啦， 唉。。。。。。