女人仔病

剛剛係yahoo個page睇左篇稿, 講有關女人仔病, 係關於男人係時節送禮俾女方, 女方一收到禮物第一時間問價錢, 然後開始嫌貴, 嫌款色唔啱, 還說自己買會有VIP折扣, 恨不得立刻拿單據去換.  說出男方一番心意, 到頭來換來一堆埋怨, 連一句多謝也沒有呢. 經歷數次後, 男方有了陰影, 不敢再送禮物了.

自己也有女人仔病,  老公常會在時節送禮, 說真的, 大部份飾物的款色都不太合心意, 他也習慣了,並已拿了單據預了跟我去換, 實在很貼心, 但實在也很殘忍.  幸好我每次收禮物時還是會有一句多謝加一個擁抱, 還不算太差吧! 我想我還是要學乖一點, 就算款色不太合意, 還是笑着收了它.

今年的情人節還算不錯, 真是有驚喜的, 還要是雙重驚喜呢. 多謝老公!

好味Pizza

最近Pizza Hut 出左個7重芝士pizza, 好似勁正咁, 好耐無去堂食, 終於走去試下. 一試之下不得了, 實在好好味, 可能因為我鍾意食芝士之故. 我揀既係菠蘿火腿七重芝士批, 加埋菠蘿既甜, 真係太好味嘞! 只可惜, 芝士燐質高, 我驗血報告超標了, 又要戒口了. 朱古力, 芝士, 可樂, 茶, 遲些再見了.

吸引嗎? 流口水嗎? 

 

龍島請食朱古力

二月頭同老公去買眼鏡, 咁啱EPS做緊promotion, 碌夠千二蚊就可以免費換一盒朱古力.  同老闆有D交情, 佢自動幫我地將總數分做三張單碌, 咁就可以換到三盒嘞, 正!!!

嚇死我

某天早上, 本想斟杯暖水然後到梳化看電視, 誰知從暖壺斟完水後, 正想飲用之際, 一望之下, 竟有如此驚人發現!

好彩有望下先, 否則就真係飲小強.  估計係小強想飲水, 飲到去暖水壺個出水口, 點知俾我用熱水淥死左. 善哉!善哉!

很久不見了

自從這裏轉了新版後, 由於極不user friendly的關係, 令我完全沒有繼續寫blog的興趣, 因此消失了好幾個月. 但因為掛念在這裏認識的blog友, 也只有這途徑才能與她們繼續聯絡, 唯有再度寫blog.

自從上年開始洗腎, 不經不覺原來已有年幾的日子. 已經很習慣這種生活了, 我活得很好, 只是繼續受那骨枯的折磨, 坐不久, 行不遠, 間中痛得寸步難行罷了. 也只好繼續依靠針灸的幫助, 才能過得好一點.

天氣寒冷, 各位blog友, 保重身體啊! 祝聖誕快樂!

中女的煩惱

最近跟表妹談及年紀大了(已過三十), 屬中女階段, 問題隨之而來. 最主要的兩個問題是:

(一) 皮膚差了, 開始起斑, 也沒年輕時那麼水凝, 有光澤及有彈性
(二) 朋友數量減少, 拍拖的拍拖, 結婚的結婚, 到生了小孩, 就完完全全地失踨了.

對於我們這些單身的, 又或是結了婚而沒有小孩的, 感受非常深.

後生時面部可以只做清潔及補濕就足夠, 到現在開始要加美白, 去斑, 防縐, 因皮膚差了怕回不了頭.

有小孩的家長, 通常會自然堆在一起, 各自談論湊仔經, 我們立時變得格格不入.
逐漸變得好似無哂朋友咁, 因為人人都忙自己家庭的事, 有gathering 都會帶住小朋友, 於是又變成家長聚會.

唔知係咪好多人有呢種感受呢?

牙痛慘過大病

由於之前腎衰竭期間卧床關係, 在醫院有整整兩星期沒有刷牙, 導致兩隻大牙及智慧牙給蛀掉了.  經過X-ray檢查, 總共有兩隻大牙要鍍牙根, 有兩隻智慧牙需要脫掉, 而其中一隻還需要做手術呢!

由四月開始到現在, 已經鍍了一隻牙根, 剝了兩隻智慧牙了.  鍍牙根雖然有點痛, 但總不及剝智慧牙來的辛苦.  縱然打了麻醉針, 仍覺得非常難受. 

還記得當天進了手術室, 躺在手術椅上, 被蒙上了眼晴, 姑娘在旁輕拍我的膊頭安撫我, 好讓我不用那麼緊張, 張開口, 一連打了五支麻醉針在不同位置, 最後的一支打在近喉嚨的上顎位, 立時痛得兩行眼淚流了出來. 待了一會等麻醉藥生效, 然後就聽到儀器的吱吱哼哼的聲音, 再感覺到醫生用鉗將牙拔掉, 只可惜牙實在爛得緊要, 而且牙腳呈彎曲狀, 醫生不但要再界多數下, 而且真的要用九牛二虎之力才能將牙拔出.  拔的時候的壓力(不是心理上, 而是實實在在的力)實在令我難以承受.  剝完牙後離開手術室, 我仍感受到先前那痛苦的感覺, 不禁哭了出來.

我敢說, 要開刀剝的智慧牙可算是我一生裏第二辛苦的了! 幸好全部智慧牙已剝清光, 不用再受第二次苦.