由於之前腎衰竭期間卧床關係, 在醫院有整整兩星期沒有刷牙, 導致兩隻大牙及智慧牙給蛀掉了. 經過X-ray檢查, 總共有兩隻大牙要鍍牙根, 有兩隻智慧牙需要脫掉, 而其中一隻還需要做手術呢!
由四月開始到現在, 已經鍍了一隻牙根, 剝了兩隻智慧牙了. 鍍牙根雖然有點痛, 但總不及剝智慧牙來的辛苦. 縱然打了麻醉針, 仍覺得非常難受.
還記得當天進了手術室, 躺在手術椅上, 被蒙上了眼晴, 姑娘在旁輕拍我的膊頭安撫我, 好讓我不用那麼緊張, 張開口, 一連打了五支麻醉針在不同位置, 最後的一支打在近喉嚨的上顎位, 立時痛得兩行眼淚流了出來. 待了一會等麻醉藥生效, 然後就聽到儀器的吱吱哼哼的聲音, 再感覺到醫生用鉗將牙拔掉, 只可惜牙實在爛得緊要, 而且牙腳呈彎曲狀, 醫生不但要再界多數下, 而且真的要用九牛二虎之力才能將牙拔出. 拔的時候的壓力(不是心理上, 而是實實在在的力)實在令我難以承受. 剝完牙後離開手術室, 我仍感受到先前那痛苦的感覺, 不禁哭了出來.
我敢說, 要開刀剝的智慧牙可算是我一生裏第二辛苦的了! 幸好全部智慧牙已剝清光, 不用再受第二次苦.
感受到在牙椅上的驚嚇, 所以就算有offer 比我免費剝智慧牙...我依然卻步say no.....而家是咪冇痛啦?
回覆刪除[版主回覆07/29/2011 17:24:00]事實上, 剝完牙好快就復完了, 到現在好像發了一場夢罷了. 為了避免要剝智慧牙, 你記緊要刷牙刷得乾淨D, 哈哈!
我有隻智慧牙補完都破了,補時牙醫都是說用得幾耐得幾耐而已,大牙好早剝了,佢地就更勞損,又生得入..剝智慧齒這隱憂早就威脅了我...我中學時大牙甩剩牙腳去剝埋佢,醫生又話佢彎了並蛀埋另外隻大牙,一次過兩個大牙洞仲要縫針,當時一路剝牙一路狂喊 ,有左SLE的「牙科事件部」又係剝牙有手尾跟........ 我真係好怕睇牙醫...
回覆刪除[版主回覆07/29/2011 17:40:00]其實我覺得奇怪, 我也聽說智慧牙註左係可以補, 但如果俾我揀, 我會揀剝左佢, 因為我驚佢生得咁入, 好易蛀, 遲早都係要剝, 我寧願早D剝左佢, 我唔會補佢. 我相信你受既苦唔會比我小, 再加上你話你牙肉萎縮, 就更加麻煩. 所以絕對明白你好怕睇牙醫既心情. Anyway, 只有做好自己, 刷牙刷得乾淨D啦. 保重呀!