快要做第二次髖關節手術了！ 雖然第一次的手術尚算順利， 亦沒有預期中那麼痛， 但心裡還是有點緊張， 有點害怕。害怕的不止是痛， 而是怕嘔！皆因上次手術後嘔個不停， 還要平躺着嘔， 極度難受呢！
今個星期五，我的右腳終於放監了， 可以不用再拿拐杖行路。不經不覺已過了手術後的 6＋6 過程。6＋6 代表6個星期的腳尖走路（touch down) 和6個星期的半力行走(partial weight)。手術前， 因為關節枯了令我矮了一點， 手術後我的腳已變回以前的長度，但腳筋拉得很緊， 因為腳突然長了， 肌肉便拉得緊了， 到現在還要常常做拉筋運動呢！ 第二次手術後， 我的左腳相信會有同一命運， 要再受拉筋的苦， 慘！
很期待雙腳自由行走， 不用拐杖的日子， 但一切已跟十年前有太大的分別了。很久沒去過銅鑼灣， 相信所有舖頭都變了樣。我已變成大鄉里出城，很久沒搭過地鐵和巴士小巴，很久沒有單獨一人上街， 一切一切， 要重新適應，只怕有點不太習慣。
希望一切都安好， 這也算是我新一年的願望。也希望我的blog 友個個身體健康， 快快樂樂！
祝你快啲好番, 一齊去威!
回覆刪除之前都有睇你個blog,但之後「失散」咗，今日睇返，恭喜你做了手術重獲自由^^我同你一樣SLE同骨枯，2邊髖關節都下陷了，左邊特別痛，拐仗陪伴咗我幾個月，醫生話等我忍無可忍就做手術，請問你做全髖手術定表面髖關節？我見私家醫院有表面置換但又話女人唔做得，我都希望可以做返正常人，我今年30歲，有咗SLE2-3年，大家加油
回覆刪除[版主回覆01/30/2013 22:55:49]首先，多謝你！聽到你同我有一樣的苦， 也希望你快些脫離痛苦。醫生都係同我講， 叫我痛到頂唔順先做手術， 我反覆考慮左好幾年，又做針灸，最後拖左足足十年。我一開始骨枯係先做鑽洞手術的（Core Decompression), 你的情況是否嚴重到要做全關節置換呢（Total Hip Replacement)? 所謂的表面置換，以我所知，係好初期骨枯未太嚴重既情況先可以做，你既然已痛到要用拐杖行， 相信情況都唔輕微，所以未必適合你。我做既係全髖關節置換，下星期一要做另一隻腳了。你得了SLE才兩三年，是否用很重類固醇，所以引致骨枯呢？希望幫到你啦。
好高興認識你呀^^日後大家可以互相支持啦！我2010年6月發現血少板得返6，就入院，初期食40mg類固醇，食了2-3個月，私家醫生比食免疫抑制劑我食，就停類固醇，食咗3個月左右葯物敏感，又食返類固醇20mg,慢慢減到10mg,qe就比我食自費mmf 1000mg+類固醇7mg,之後mmf攪到我白血球底，改食500mg+4mg類固醇直至而家。我2011年9月開始腳痛，qe都話唔係骨枯，因我食類固醇唔算多，到2012年7月照磁力共震，髖骨已下陷，2012年9月入院骨科話唔好做住，因為我仲行到，痛係痛架，但好似已經溶入咗生活，唯有積極揾治療方法,我地唔能夠抗拒SLE侵食我地邊部份,我個肺早被入侵至纖維化，醫生都話無得攪，但對上2次覆診又話個肺好咗，所以唯有同病魔共存，多謝你為我導航，我一直都想揾髖關節手術後護理同想知係咪要改變日後生活狀況，睇你個blog就認識咗好多了，你好叻忍痛咗十年，我而家先2年咋，仲好慢長，針灸咗1-2月都無效，而家等頂唔順就做，QE好快話幫我排2-3個月就得，唔洗等太耐，預祝你快d好可去旅行，澳門一日遊都好^^
回覆刪除[版主回覆01/31/2013 19:54:34]每一個SLE病人經歴既野都幾唔同，但都係苦囉！唯有靠身邊親人支持，再加病友支持，先可以撐得住， 特別係病友，因為大家身同感受，好多感覺一聽就明，無呢個病既人根本無可能明白有幾痛苦。
其實聽你咁講， 最初一痛醫生就應該叫你照張X﹣RAY先，唔好估估下，起碼有個初步資料，跟住再排MRI，通常都等好耐， 所以應該叫醫院轉介你去私家度照，會平D同即刻知結果，唔使拖到成年後，骨枯已經嚴重到連Core Decompression都做唔到。我拖到十年係因為我有做呢個手術，所以拖慢骨枯速度。
另外如你想揾術後護理， 其實係手術之前會有講座，有小冊子派，到時你就會清楚好多， 同埋我上一個BLOG都有病友留左D youtube link,應該都有D幫助。乜QE排得咁快可以做手術既？我間醫院要排成年幾呀！都係醫生個句， 真係痛到頂唔順先做啦，始終唔可以用一世，依家可以話係人生黃金時期，有番對腳可以做好多野， 但又怕好快要做第二次換骹，所以我都考慮左好耐，真係痛到瞓係度都痛，個種痛我真係不能承受，痛到要坐輪椅。我依家最希望做完對腳，跟住再有得換埋腎，咁就真係可以重生嘞！
提一提你， 其實下次你如果打野俾我，又有太多個人資料， 你可以係comment下面tick左“Private Comment", 咁就會剩係得我同你睇到架嘞。
手術順利真好, 希望你病情一直好轉, 祝身體健康, 開心快樂!
回覆刪除