今次北海道之旅, 真係令我樂而忘返. 8日時間, 唔長唔短, 但第一次有個種唔想返香港既感覺. 本來想去睇紅葉, 但可惜唔係有太多, 可能仲未到深秋卦, 所以只係睇到小小. 不過唔緊要啦, 有好野食都已經好開心了. 等我有心機既時候最將成個旅程打返出嚟先.
今次既行程就係咁:
第一天: 札幌
第二天: 札幌
第三天: 小樽
第四天: 旭川
第五天: 層雲峽
第六天: 美瑛
第七天: 富良野, 夕張, 登別
第八天: 南千歲
行程本來以為安排得頗輕鬆, 點知都仲係太緊湊, 有d地方去唔哂, 唔係太夠時間. 不過唔緊要, 因為可以有籍口諗定下一次北海道既旅程, 相信應該會更加精彩. 而事實上, 仲有好多地方都仲未去玩, 例如函館, 洞爺, 釧路, 網走.........
實在太多, 數唔哂呀. 總之就好好玩, 好好食啦.
恭喜係有個樂而忘返的假期啊!這樣便沒有白費你做水療的日子. 慢慢寫..
回覆刪除你太客氣啦, 我都祝你中秋節快樂, 雖然係遲左d. 實在好感恩, 個天對我真係好好. 天氣好, 腳又行得算幾好, 係最後個兩日有d痛, 不過都總算順順利利, 中間都有d小插曲. 又係個句, 等我得閑先打返出嚟.
回覆刪除返到香港, 又要開始忙碌既生活, 繼續針灸同水療, 真係連上網既時間都無乜呀.
Wow!!! So happy la I've never been to 北海道 before!!
回覆刪除[版主回覆10/07/2009 19:16:00]有機會一定要去下, 真係好舒服架. 我直頭想移民過去呀.
都去左好多地方丫！真開心！
回覆刪除[版主回覆10/09/2009 23:54:00]都係架, 所以好攰呀. 琴日仲出事tim, 隻左腳無端端企唔到係到, 一行就痛到成個人硬哂, 係閃電既痛, 由條腰一路痛到成個大脾, 應該係條神經線有事, 又要去睇醫生先得, 真慘, 行都唔敢行呀.
嘩～咁你真係要睇下醫生好ｄ～ 係咪因為行得多先會咁丫？
回覆刪除wa....~~~正wor~~~
回覆刪除[版主回覆10/21/2009 20:24:00]係呀, 所以你有機會都一定要去下.